Read Phom Naga EZEKIEL 38 Bible Online

EZEKIEL 38 - Phom Naga bible

EZEKIEL 38

¹SHEMBÜPAlei shah ngei touei peiteke.

²Shennyak ha, Magog kahdok leipü Meshekh hatü Tubal leipü ong longpü Gog khüei nüngei dhe meetuh, hatü büpa khüei,

³SHEMBÜPA Kahvangi hapakei enyüke shei teteivanei etuh: Ngei nüng khüei nyüpeih, Oh Gog, Meshekh hatü Tubal leipü longpü ongpa.

⁴Ngei nüng shinhühen hatü nyiamphaaki nüngei ju kü kenhen, hatü ngei nüng mü nüngei veshanthü, koyeithü hatü koyei veshanthü, jom peü phunglang ow changshi temtü khongnyü longpü, jom peüi inyüshung, yanlu notükkemtü müei daihen.

⁵Persia, Kush hatü Put am jom mü inyüshung hatü nyiam athen thentü nyuhen;

⁶Gomer amao jomei veshanthü mü, hatü apshaphi tailu leipü Beth-Togarmah am jomei veshanthü mü jatthü longi nyuhen.

⁷“Am temtuh; temtüktü nyutuh, am hatü am mü thaiyei nyupü khong peü, hatü jom ngeükhüam shuohtü temei tuhtuh.

⁸Nyih longi angtü shoumpü bongthü kü vehok shingvaishi temei tuhpü kahdok mü hokhen. Haleipü shennyakthüyü bong luangi lavüngtoiyei tuhpü Israel kahshangthü kü jat longi kübü peiyei nyupeih. Jomü jat longi kübü peiyei nyupeih, hatü jom peü shaangü chingmei nyiushemmei kü nyunyüpeih.

⁹Nüng hatü nüngei veshanthü mü jatthü longi nüng mü yinglükleisho keiha daiyei hahhen, hatü kahdok kemei phumnyaki keiha jümlanghen.”

¹⁰SHEMBÜPA Kahvangi hapakei enyüke: Hapa nyih nüngei mong kü chudeih peikahen, hatü nüngi nemeipü küpjan temhen.

¹¹“Ngei pe neshowpü chingthü hahhen; ngei chingmeivangmei kü pe neshow, penyüsha nelingi nyupü shennyakthü hahhen” shei ammi ehen,

¹²hatü chem hepak kü lavüngtoiyei nyuhampü chingnyüthü leipü shennyakthülei mophimo aetei yahhen. Jomphongü jatthü leipü thaiteke, hatü shaang jomü yemhimak hatü mophimo longi nyüke hatü jomü lembaong ching kü chingnyüke.

¹³Sheba hatü Dedan nanglakthüi hatü Tarshish am bhei leihpüthü hatü jomei vehokbüthüi nüng kü, “Nüng hatouei aeteishehen, nüng hatü nüngei veshanthüi gühhenkaaihen, hon hi ngin, yemhimak hatü dounyünangba aetei daihen peiküpü je?” shei ehen.

¹⁴Hanangkü shennyak ha, SHEMBÜPA Kahvangi hapakei enyüke shei teteivanei Gog kü etuh: Hapa nyih kü mechem ngelei nanglak Israel am chingmeivangmei nyiushem kü nyuhenshang, nüng layaongei,

¹⁵apshaphi tailu shing leipü nüng hatü jatthü longi koyei dok shangkü uotü longpü veshan khongnyü;

¹⁶ngelei nanglak Israel am khüei kahdok kü phumnyaki jümpükei peihen. Shompülei ngelei kahdok khüei ngei nüng müei peihen, Oh Gog, shejüang mechem ngei nüng homei ngelei daülangshemshepü jomei müki eeshi huhenshang jatthüi ngei nyinghen.

¹⁷SHEMBÜPA Kahvangi hapakei enyüke: Ngelei chongphobü Israel amei thibüthü homei shelei mebü ngei eyei heihpeyü nüng vaila? Hathü nyih kü ngei ngelei nanglak Israel am khüei nüng müei peihen shei vangbong longi jomi tetei heihteke.

¹⁸Hapa nyih ha vamkahen: Mechem Gog-i Israel kahdok hahhen, ngelei mongshih vamhen shei SHEMBÜPA Kahvangi enyüke.

¹⁹Hapa nyih kü ngei mongshihpai Israel kahdok kü pedi vükpü longpü hük nyukahen;

²⁰Yungching kübü nyahthü, shangouthü, kahdoknyü kübü yemhimakthü hatü kahdok kü lüei daipü yemhimakthü, hatü kahdok shak kü nyupü hangkuthü peü ngei touei nyemei kheühen, hatü kahshangthü laamdaihen, yaongvakthü bhaokei vühen, hatü bham kemei kahdokei laamei shadaihen.

²¹Ngei Gog khüei ngelei kahshangthü peülei thep nyükhen shei SHEMBÜPAi enyüke. Büpalei yanlu laophülei shennyak khüei nyuhen.

²²Ngei büpa kü cham hatü jüteishangteipai shah phenhen; ngei büpa hatü büpalei veshanthü hatü büpa mü nyupü jatthü kü baishih vangmang, shüyaong, hatü awkaongyaong meli shomhen.

²³Hapa keiha ngelei wong hi ngan, daülangshemshepü huhen, hatü jatthü longi tou kü ngei nyinghühen. Shejüang jomi ngeiyü SHEMBÜPA khih shei nyinghen.