Read Phom Naga EZEKIEL 48 Bible Online

EZEKIEL 48 - Phom Naga bible

EZEKIEL 48

¹Hathüyü jatthülei men: Apshaphi viong chongpangpeyü Hethlon lemnyü nyüke; Lebo-hamath kübü Hazer-Enon thahshi, (Damaska viong kü apsha lemei Hamath) hatü heongphi kübü heshüphi thahshi Dan amei kahdok vaihen.

²Dan amei kahdok kü dheanei heongphi kübü heshüphi thahshi Asher amei kahdok vaihen.

³Asher amei kahdok kü dheanei heongphi kübü heshüphi thahshi Naphtali amei kahdok vaihen.

⁴Naphtali amei kahdok kü dheanei heongphi kübü heshüphi thahshi Manasseh amei kahdok vaihen.

⁵Manasseh amei kahdok kü dheanei heongphi kübü heshüphi thahshi Ephraim amei kahdok vaihen.

⁶Ephraim amei kahdok kü dheanei heongphi kübü heshüphi thahshi Reuben amei kahdok vaihen.

⁷Reuben amei kahdok kü dheanei heongphi kübü heshüphi thahshi Judah amei kahdok vaihen.

⁸Judah amei kahdok kü dheanei heongphi kübü heshüphi thahshi ammi hayaoha kahdok phaihan hük ba kü kilometer anpünyi mü bhaoei, hatü heongphi kübü heshüphi thahshi yangü jatthü kü shuohpü kahdok yang shük lushi; ha mongei phopshem shing hanei hayaoha tuhtuh.

⁹Amphongi SHEMBÜPA shingvaishi hayaoha hanei tuhhen kahdokü yang kü kilometer anpünyi mü bhaoei, hatü ba kü kilometer an tuhhen.

¹⁰Daülangpü kahdok phaihan hanpü hapakei nyuhen: Ngongpathü shing apshaphi kü yangkü kilometer anpünyi mü bhaoei, hatü heshüphi kü ba kü kilometer nga nyuhen, hatü pehephi kü yangkü kilometer anpünyi mü bhaoei, hatü heongphi kü ba kü kilometer nga nyuhen; phopshemü ha mongei nyuhen.

¹¹Hapayü ngelei dou dükpü Israel nanglakthü lemnyongei lüdaishingkü Levi am lüdaipükei lemnyongei nedaipü daütükpü ngongpathü, Zadokei hühihathü shing vaihen.

¹²Hapayü daülangpü kahdok, longi daülangpü shing kübü jom kü hayaoha hanpü phaihan kahmük vaihen; hayü Levi am mü dheanei nyuhen.

¹³Ngongpathülei kahdok mü dheanei Levi amei kahdok vaihen; hapayü yangkü kilometer anpünyi mü bhaoei, hatü ba kü kilometer nga nyuhen. Hapa yang kempeyü yangkü kilometer anpünyi mü bhaoei, hatü ba kü kilometer nga nyuhen.

¹⁴Jomi ha neyuhen nevaijü mih mü nejeiteihen; mehenangkü hapayü SHEMBÜPA touei daülangpü nyüke.

¹⁵Yangkü kilometer anpünyi mü bhaoei, hatü ba kü kilometer nyi mü bhaoei aopeyü daülangpü shing nevai, shejao hapayü nanglakthüi noteihen, jom halei chingchingei nyuhen. Chingü hapa jiamei nyuhen.

¹⁶Hapa shinpü kü hapakei nyuhen: heong, heshü, apsha hatü pehe peü lemei meter 2, 250 baong nyuhen.

¹⁷Chingnyü shinpü kü apsha, pehe, heong, hatü heshü shing peü lemei shingkong kü meter 125 baong nyuhen.

¹⁸Daülangpü kahdok mü dheanei chingnyü lingtü aopü kahdok heongphi kü yangkü kilometer nga, hatü ba kü kilometer nyi mü bhaoei, hatü heshüphi kü yangkü kilometer nga hatü ba kü kilometer nyi mü bhaoei aopü kahdokü chingei nyupüthüi kah linghen.

¹⁹Chingei nyupüthü, mepa jat kübü vaihenshang vaijao hapa kahdokei kah linghen.

²⁰Ammi hayaoha hanei tuhpü kahdok moidoi kempü kü shing peü philei kilometer anpünyi mü bhaoei nyuhen, hatü hapayü ching vaipü shingao omshi nyuhen.

²¹Daülangpü kahdok dangpongei aopü hatü ching vaitü aopü peü ongpalei kahdok vaihen. Daülangpü kahdok kü heongphi viong kübü kilometer anpünyi mü bhaoei, hatü jatthü kü hanpü kahdok heshüphi viong lem aimü kakei shapeyü ongpalei vaihen. Daülangpü kahdok kü phopshem jiamei,

²²hatü Levi amei kahdok hatü chingü ongpalei kahdok kon mongei nyuhen. Ongpalei kahdokü Judah hatü Benjamin amei kahdok nyi aa kü hapakei nyuhen.

²³Aopü jatthülei kahdok hapakei nyuhen: heongphi kübü heshüphi thahshi Benjamin amei kahdok vaihen.

²⁴Benjamin amei kahdok kü dheanei heongphi kübü heshüphi thahshi Simeon amei kahdok vaihen.

²⁵Simeon amei kahdok kü dheanei heongphi kübü heshüphi thahshi Issakhar amei kahdok vaihen.

²⁶Issakhar amei kahdok kü dheanei heongphi kübü heshüphi thahshi Zebulun amei kahdok vaihen.

²⁷Zebulun amei kahdok kü dheanei heongphi kübü heshüphi thahshi Gad amei kahdok vaihen.

²⁸Gad amei kahdok pehephi kü dheanei viongü Tamar kübü Meribath-Kadesh thahshi, hatü haleipü Ijip mü viong lem aimü heih-ei Mediterranean Yungching thahshi nyuhen.

²⁹Hapa kahdokü ammi Israel jatthü kü mükjüp vaishi hanhen shei SHEMBÜPA Kahvangi enyüke.

³⁰Hathüyü chingnyü leipü laoei daihen penyüshathü: Apshaphi kü shetjü meter 2, 250 nyüke,

³¹hatü halei penyüsha jem kohshi nyüke, hatü hapa penyüshathü kü Israel jatthülei men kü Reuben penyüsha, Judah penyüsha, hatü Levi penyüsha shei menteke.

³²Heongphi kü shetjü meter 2, 250 nyüke, hatü halei penyüsha jem kohshi nyüke, hatü hapa penyüshathü kü Israel jatthülei men kü Joseph penyüsha, Benjamin penyüsha, hatü Dan penyüsha shei menteke.

³³Pehephi kü shetjü meter 2, 250 nyüke, hatü halei penyüsha jem nyüke, hatü hapa penyüshathü Israel jatthülei men kü Simeon penyüsha, Issakhar penyüsha, hatü Zebulun penyüsha shei menteke.

³⁴Heshüphi kü shetjü meter 2, 250 nyüke, hatü halei penyüsha jem nyüke, hatü hapa penyüshathü kü Israel jatthülei men kü Gad penyüsha, Asher penyüsha, hatü Naphtali penyüsha shei menteke.

³⁵Chingnyü shonpü kü meter haja shü nyuhen. Hapa chingnyü kü shaang mü leitü, “SHEMBÜPA hatouei nyüke” shei nyükhen.