Read Phom Naga BHEI-IE 1 Bible Online

BHEI-IE 1 - Phom Naga bible

BHEI-IE 1

¹Israel am Ijip kahdok leipü vamei daipheikü vangbong nyipabü len nyipabü shongpü nyih kü Sinai jahpanei nyushi ashakshemei SHEMBÜPAi Mosa kü eteke: Büpai eteke,

²“Israel am khong peü mükhiphang, shemdep aimü baha kuk ieyeilei men hükchem hükchem shei nyangei shangkuk ietuh.

³Aaron anji-i Israel kü baha kemei vangbong kukha dok kübü veshan vaiaokhenthü shangkuk ietuh.

⁴Jat ieyei kübü mübü hük baongi nüng kü sheühphahen.

⁵Hathüyü nüng kü sheühhen jepü mübüthülei men nyüke. [Jat] — [Phang mübü] Reuben kübü — Shedeurlei cheha Elizur;

⁶Simeon kübü — Zurishaddailei cheha Shelumiel;

⁷Judah kübü — Amminadabei cheha Nahshon;

⁸Issakhar kübü — Zuarlei cheha Nathanel;

⁹Zebulun kübü — Helonei cheha Eliab;

¹⁰Ephraim kübü — Ammihudei cheha Elishama; Manasseh kübü — Pedahzurlei cheha Gamaliel;

¹¹Benjamin kübü — Gideonilei cheha Abidan;

¹²Dan kübü — Ammishaddailei cheha Ahiezer;

¹³Asher kübü — Okranei cheha Pagiel;

¹⁴Gad kübü — Deuelei cheha Eliasaph;

¹⁵Naphtali kübü — Enanei cheha Ahira.”

¹⁶Hathüyü bülem aimü mükhiphang ieyei kübü jepü mübüthü nyüke. Jomü Israel phangthü kü shangjingthü nyüke.

¹⁷Mosa hi Aaron nyi-i men shuohpü shennyakthü mütü,

¹⁸nyipabü len shongpü nyih kü khong kemei nyükei thaiteke. SHEMBÜPAi epükei vangbong kukha dok kübü shennyakthülei men nyangteke.

¹⁹Sinai jahpanei Mosai nanglakthülei men nyangteke.

²⁰Vangbong kukha hatü ha dok kübü veshan vaiaokhen shennyakthülei men Jakobei hashongpa Reuben kübü pangei laophü laophülei mükhiphang hatü shemdep aimü hengei nyangteke. [Jat] — [Bhei-ie]

²¹Reuben am — 46, 500

²²Simeon am — 59, 300

²⁸Issakhar am — 54, 400

²⁹

³⁰Zebulun am — 57, 400

³¹

³²Ephraim am — 40, 500

³³

³⁴Manasseh am — 32, 200

³⁵

³⁶Benjamin am — 35, 400

⁴²Naphtali am — 53, 400

⁴³

⁴⁴Hathüyü Mosa hi Aaron nyi-i iepü shennyakthü hatü mükhiphang ieyei kübü jepü Israel am mübüthü jom anpünyi nyüke.

⁴⁵Israel am vangbong kukha hatü ha dok kübü Israel kü veshan dou dükaokhen shennyakthü kemei mükhiphang laolao aimü ieteke.

⁴⁶Jom peü sheptü bhei-ie 603, 550 nyuteke.

⁴⁷Levi am phangü lebü phangthü mü shepei ne-ie.

⁴⁸SHEMBÜPAi Mosa kü,

⁴⁹“Veshan vaihen changpü shennyak shangkuk ieshingkü nüngi Levi am phang omei te-ie.

⁵⁰Ha nangjeiyei Levi amü ngelei ashakshem hatü haleipü douhinangthü kü veihütuh. Jomi hapa ashakshem hatü haleipü douhinangthü kohen, hathü kü junghen hatü ha shinei baümtap vehen.

⁵¹Mechem ashakshem shing chaiyei daihenshang, Levi ami ha koei daihen, hatü metou shingei ha yaonghen, Levi ami ha yaonghühen. Üpai hapa yopailei heihhenshang jütükhen.

⁵²Aopü Israel am kemei laophü laophülei mükhiphang mü khong khongi baümtap vehen.

⁵³Shejao ngei mongshihpü Israel am khongkü nehethen shingvaishi Levi amü ashakshem shinei baümtap vehen. Ashakshem kü junghenü Levi amei dousho vaihen” shei eteke.

⁵⁴SHEMBÜPAi Mosa kü epükei Israel ami lemphüli dükteke.