Read Phom Naga BHEI-IE 2 Bible Online

BHEI-IE 2 - Phom Naga bible

BHEI-IE 2

¹SHEMBÜPAi Mosa hi Aaron nyi kü hapakei eteke:

²Mechem Israel ami baümtap vehenshang shennyak peüi laophülei khong mü hatü laophülei mükhiphangei khüamlung phangkü vehen. Baümtap kemei ashakshem kübü khaatei daiyei ha lemei tapshe meeshi vehen.

³Heongphi lemei Judah amei khüamlung phangkü hanpü khongthüi baümtap vehen. Amminadabei cheha Nahshonü Judah nanglakthülei mübü vaihen,

⁴hatü büpa phangkü veshan bhei-ie 74, 600 nyuhen.

⁵Ha mü dhienei Issakhar jati baümtap vehen. Zuarlei cheha Nethanelü Isaakhar nanglakthülei mübü vaihen,

⁶hatü büpa phangkü veshan bhei-ie 54, 400 nyuhen.

⁷Ha mü dhienei Zebulun jati baümtap vehen. Helonei cheha Eliabü Zebulun nanglakthülei mübü vaihen,

⁸hatü büpa phangkü veshan bhei-ie 57, 400 nyuhen.

⁹Judah shemdep phangkü khong khong hanpü kübü veshan peüshep 186, 400 nyuteke. Layaongei daishingkü jom sheshonghen.

¹⁰Pehephi kü Reuben amei khüamlung phangkü hanpü khongthüi baümtap vehen. Shedeurlei cheha Elizur-ü Reuben nanglakthülei mübü vaihen,

¹¹hatü büpa phangkü veshan bhei-ie 46, 500 nyuhen.

¹²Ha mü dhienei Simeon jati baümtap vehen. Zurishaddailei cheha Shelumiel-ü Simeon nanglakthülei mübü vaihen,

¹³hatü büpa phangkü veshan bhei-ie 59, 300 nyuhen.

¹⁴Ha mü dhienei Gad jati baümtap vehen. Reuelei cheha Eliasaph-ü Gad nanglakthülei mübü vaihen,

¹⁵hatü büpa phangkü veshan bhei-ie 45, 650 nyuhen.

¹⁶Reuben shemdep phangkü khong khong hanpü kübü veshan peüshep 151, 450 nyuteke. Layaongei daishingkü jomphong nyipabü khong vaihen.

¹⁷Shongpü khong nyi hatü shoumpü khong nyi aa kü ashakshem hatü Levi am phangdep jiamei ittü daihen. Hanpü khong peüi baümtap vepü aimü laophü laophülei khüamlung phangkü daihen.

¹⁸Heshüphi kü Ephraim amei khüamlung phangkü hanpü khong khongi baümtap vehen. Ammihudei cheha Elishama-ü Ephraim nanglakthülei mübü vaihen,

¹⁹hatü büpa phangkü veshan bhei-ie 40, 500 nyuhen.

²⁰Ha mü dhienei Manasseh jati baümtap vehen. Pedahzurlei cheha Gamalielü Manasseh nanglakthülei mübü vaihen,

²¹hatü büpa phangkü veshan bhei-ie 32, 200 nyuhen.

²²Ha mü dhienei Benjamin jati baümtap vehen. Gideonilei cheha Abidanü Benjamin nanglakthülei mübü vaihen,

²³hatü büpa phangkü veshan bhei-ie 35, 400 nyuhen.

²⁴Ephraim shemdep phangkü khong khong hanpü kübü veshan peüshep 108, 100 nyuteke. Layaongei daishingkü jomü jempabü khong vaihen.

²⁵Apshaphi kü Dan amei khüamlung phangkü hanpü khongthüi baümtap vehen. Ammishaddailei cheha Ahiezer-ü Dan nanglakthülei mübü vaihen,

²⁶hatü büpa phangkü veshan bhei-ie 62, 700 nyuhen.

²⁷Ha mü dhienei Asher jati baümtap vehen. Okranei cheha Pagiel-ü Asher nanglakthülei mübü vaihen,

²⁸hatü büpa phangkü veshan bhei-ie 41, 500 nyuhen.

²⁹Ha mü dhienei Naphtali jati baümtap vehen. Enanei cheha Ahirayü Naphtali nanglakthülei mübü vaihen,

³⁰hatü büpa phangkü veshan bhei-ie 53, 400 nyuhen.

³¹Dan shemdep phangkü khong khong hanpü kübü veshan peüshep 157, 600 nyuteke. Layaongei daishingkü jomü shoumpü khong vaihen.

³²Hathüyü Israel am shemdep aimü iepü nyüke. Baümtapei nyupü laophü laophü hanpü khong aimü iepü peüshep 603, 550 nyuteke.

³³Shejoong SHEMBÜPAi Mosa kü epükei Levi amü lebü Israel am mü bhei-ie kü neom.

³⁴Hanangkü SHEMBÜPAi Mosa kü epükei Israel ami lemphüli dük; hapa keiha jomphongi laophü laophülei phang hatü shemdep aimü baümtap ve, hatü layaongei dai.