Read Phom Naga BHEI-IE 34 Bible Online

BHEI-IE 34 - Phom Naga bible

BHEI-IE 34

¹SHEMBÜPAi Mosa kü,

²“Israel am kü hapakei eyeishuoh” shei eteke: “Mechem am Kanan kahdokei shühenshang, ngei am kü mükjüp vaishi shuohpü kahdok kü viong hapakei nyuhen:

³Ammei pehephi viongü Zin yingnyü kübü heihdaipü Edom viong thahshi nyuhen. Heongphi viongü Dipü Yungching dohpü lemeipü shadaipü pehephi thahshi nyuhen,

⁴hatü ha Akrabbim kü pehephi kü shonei leipü nedoh-i Zin yingnyü homei hatü ha kübü Kadesh Barnea kü apshaphi thahshi nyuhen, hatü apshaphi kübü heihdaipü Hazar-Addar kübü Azmon thahshi;

⁵haleipü nyokei leidaipü Ijip kahdok Wadi hatü Mediterranean Yungching kü doh-ei nyuhen.

⁶Heshüphi kü viongü Mediterranean yungching nyuhen.

⁷Apshaphi kü viongü Mediterranean Yungching kübü vionglem heihdaipü Hor Kahshang ngoishi,

⁸hatü Hor Kahshang kübü Lebo Hamath thahshi nyuhen.

⁹Shao Zadad kübü heihdaipü Ziphron thahshi hatü Hazar-Enan mü doh-ei nyuhen. Hapayü apshaphi kü ammei viong nyukahen.”

¹⁰Heongphi kü Hazar-Enan kübü vionglem hük heihdaipü Shepham thahshi nyuhen.

¹¹Shepham kübü viong shadaipü Ain kü pehephilep Riblah hatü nedoh-i Galil yungching heongphi kahshong ngoishi,

¹²hatü pehephi kü Jordan yungyen aimü shadaipü Dipü Yungching kü leanshi nyuhen. Hapayü kahdok vaung jung ali kü ammei viong hapakei nyukahen.

¹³Hanangkü Mosai Israel am kü, “Hapayü SHEMBÜPAi jat shü mü bhaoei nyupü jat kü shuohpü kahdok, hatü hapayü ammi phong kü hetpü aimü yahhen.

¹⁴Reuben, Gad hatü bhaosheipü Manasseh am jati jomei kahdok phaihan,

¹⁵Jordan heongphi Jeriko mü dangteishi yahlangteke” shei eteke.

¹⁶SHEMBÜPAi Mosa kü,

¹⁷“Nüng mü sheühteiyei kahdok hanhen shennyakthülei men hathü nyuhen: Eleazar ngongpa hatü Nunei cheha Joshua.

¹⁸Hathü mü sheühteiyei kahdok hanhen shingvaishi jat ieyei kübü mübü hükbaong jetuh” shei e.

¹⁹Jat ieyeilei mübüthülei men: [Jat Men] — [Mübülei Men] Judah — Jephunnehlei cheha Kaleb nyu,

²⁰Simeon — Ammihudei cheha Shelumiel nyu,

²¹Benjamin — Kislonei cheha Elidad nyu,

²²Dan — Joglilei cheha Bukki nyu,

²³Manasseh — Ephodlei cheha Hanniel nyu,

²⁴Ephraim — Shiphtanei cheha Kemuel nyu,

²⁵Zebulun — Parnakh-ei cheha Eli-zaphan nyu,

²⁶Issakhar — Azzanei cheha Paltiel nyu,

²⁷Asher am — Shelomilei cheha Ahihud nyu,

²⁸Naphtali — Ammihudei cheha Pedahel nyu.

²⁹Hathü shennyak SHEMBÜPAi Israel am kü Kananei kahdok hanhen shingvaishi jepüthü nyüke.