Read Phom Naga BHEI-IE 7 Bible Online

BHEI-IE 7 - Phom Naga bible

BHEI-IE 7

¹Mechem Mosai ashakshem veyei tempa, büpai ashakshem hatü haleipü douhinangthü peü thiteiphuei daüteke. Büpai moidü hatü haleipü dükhi-ümthü peü thiteiphuei daüteke.

²Israel kü mübüthü, shemdep kü shangjing, üam jat kü shangkuk ieshingkü khei vaipa, jomi moila shuoh.

³Jomi SHEMBÜPA kü jomei thintho mohoh khari vok hatü mohohbaong anpünyi — mübü nyi nyi sheptü mohoh khari hük hatü mübüthü pabüm ieyei mohohbaong hükbaong yah-ei peiyei shuoh. Jomi hathü ashakshemei shuoh.

⁴SHEMBÜPAi Mosa kü,

⁵“Ashakshemei dou dükshingkü noteihen shangmü jom leipü hathü thinthothü yahtuh. Shennyak ieyeilei doui yüpükei hathü Levi am kü shuohtuh” shei e.

⁶Hanangkü Mosai mohoh khari hatü mohohbaongthü yah-ei Levi am kü shuoh,

⁷Büpai Gershon am kü mohoh khari nyi hatü mohohbaong ali shuoh,

⁸hatü büpai Merari am kü mohoh khari ali hatü mohohbaong shet jomei dousho aimü shuoh. Jomei dou kemei Aaron ngongpalei cheha Ithamar-i hupükei dükhen mü nyuteke.

⁹Shejao Mosai Kohath am kü meheyao neshuoh; mehenangkü jomi jungeilangei veipü daülangpü douthü jomei bhagchongei paihen mü nyuteke.

¹⁰Moidü thiteiphuei daühen mübüthüi moila koei pei, hatü hathü moidü touei shuoh.

¹¹Mehenangkü SHEMBÜPAi Mosa kü, “Nyih ieyei mübü hük hüki moidü daühen shingvaishi moila koei peiyei moilahütuh” shei e.

¹²Shongpü nyih kü moila koei peipü shennyakü Judah amei mübü Amminadabei cheha Nahshon nyuteke.

¹³Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

¹⁴hatü hon nükshung hük dokshuohjü gram 110, hapa kü ayingshü maei shihtü;

¹⁵ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

¹⁶mang moila shuohhen yum hük;

¹⁷hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Amminadabei cheha Nahshoni shuohpü moila nyuteke.

¹⁸Nyih nyipabü kü moila koei peipü shennyakü Issakhar amei mübü Zuarlei cheha Nethanel nyuteke.

¹⁹Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

²⁰hon nükshung hük dokshuohjü gram 110, ha kü ayingshü maei shihtü;

²¹ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

²²mang moila shuohhen yum hük;

²³hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Zuarlei cheha Nethaneli shuohpü moila nyuteke.

²⁴Nyih jempabü kü moila koei peipü shennyakü Zebulun amei mübü Helonei cheha Eliab nyu.

²⁵Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyu, hatü ha nyiphen kü maei atta kü olive mainga nyettü hahying moila shuohhen koei pei;

²⁶hon nükshung hük dokshuohjü gram 110, ha kü ayingshü maei shihtü;

²⁷ha mü mohoh chebaongha hük hatü mi chebaongha hük, hatü vangbong hük lompü mi cheha hük jakpü moila shuohhen koei pei;

²⁸mang moila shuohhen yum hük;

²⁹hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei peiteke. Hapayü Helonei cheha Eliabi shuohpü moila nyuteke.

³⁰Nyih alipabü kü moila koei peipü shennyakü Reuben amei mübü Shedeurlei cheha Elizur nyu.

³¹Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

³²hon nükshung hük dokshuohjü gram 110, ha kü ayingshü maei shihtü;

³³ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

³⁴mang moila shuohhen yum hük;

³⁵hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Shedeurlei cheha Elizur-i shuohpü moila nyuteke.

³⁶Nyih ngapabü kü moila koei peipü shennyakü Simeon amei mübü Zurishaddailei cheha Shelumiel nyuteke.

³⁷Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

³⁸hon nükshung hük dokshuohjü gram 110, ha kü ayingshü maei shihtü;

³⁹ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁴⁰mang moila shuohhen yum hük;

⁴¹hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Zurishaddailei cheha Shelumieli shuohpü moila nyuteke.

⁴²Nyih vokpabü kü moila koei peipü shennyakü Gad amei mübü Deuelei cheha Eliasaph nyu.

⁴³Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

⁴⁴hon nükshung hük dokshuohjü gram 110, ha kü ayingshü maei shihtü;

⁴⁵ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁴⁶mang moila shuohhen yum hük;

⁴⁷hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Deuelei cheha Eliasaph-i shuohpü moila nyuteke.

⁴⁸Nyih nyetpabü kü moila koei peipü shennyakü Ephraim amei mübü Ammihudei cheha Elishama nyu.

⁴⁹Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyu, hatü ha nyiphen kü maei atta kü olive mainga nyettü hahying moila shuohhen koei pei;

⁵⁰hon nükshung hük dokshuohjü gram 110, ha kü ayingshü maei shihtü;

⁵¹ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁵²mang moila shuohhen yum hük;

⁵³hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Ammihudei cheha Elishama-i shuohpü moila nyuteke.

⁵⁴Nyih shetpabü kü moila koei peipü shennyakü Manasseh amei mübü Pedahzurlei cheha Gamaliel nyuteke.

⁵⁵Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyu, hatü ha nyiphen kü maei atta kü olive mainga nyettü hahying moila shuohhen koei pei;

⁵⁶hon nükshung hük dokshuohjü gram 110, ha kü ayingshü maei shihtü;

⁵⁷ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁵⁸mang moila shuohhen yum hük;

⁵⁹hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Pedahzurlei cheha Gamalieli shuohpü moila nyuteke.

⁶⁰Nyih shüpabü kü moila koei peipü shennyakü Benjamin amei mübü Gideonilei cheha Abidan nyu.

⁶¹Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

⁶²hon nükshung hük dokshuohjü gram 110, ha kü ayingshü maei shihtü;

⁶³ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁶⁴mang moila shuohhen yum hük;

⁶⁵hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Gideonilei cheha Abidani shuohpü moila nyuteke.

⁶⁶Nyih anpabü kü moila koei peipü shennyakü Dan amei mübü Ammishaddailei cheha Ahiezer nyu.

⁶⁷Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

⁶⁸hon nükshung hük dokshuohjü gram 110, ha kü ayingshü maei shihtü;

⁶⁹ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁷⁰mang moila shuohhen yum hük;

⁷¹hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Ammishaddailei cheha Ahiezer-i shuohpü moila nyuteke.

⁷²Nyih anpühükpabü kü moila koei peipü shennyakü Asher amei mübü Okranei cheha Pagiel nyu.

⁷³Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

⁷⁴hon nükshung hük dokshuohjü gram 110, ha kü ayingshü maei shihtü;

⁷⁵ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁷⁶mang moila shuohhen yum hük;

⁷⁷hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Okranei cheha Pagieli shuohpü moila nyuteke.

⁷⁸Nyih anpünyipabü kü moila koei peipü shennyakü Naphtali amei mübü Enanei cheha Ahira nyu.

⁷⁹Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;

⁸⁰hon nükshung hük dokshuohjü gram 110, ha kü ayingshü maei shihtü;

⁸¹ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

⁸²mang moila shuohhen yum hük;

⁸³hatü mongjempü moila shuohhen mohoh chebaong nyi, mi chebaongha nga, yum nga, hatü vangbong hük lompü mi cheha nga koei pei. Hapayü Enanei cheha Ahira-i shuohpü moila nyuteke.

⁸⁴Hathüyü moidü thiteiphuei daüpü hepak kü Israel amei mübüthüi koei peipü moilathü nyuteke: Ngini lingpü nükshung anpünyi, ngini lingpü chilimji anpünyi, hatü hon nükshung anpünyi.

⁸⁵Ngini lingpü nükshung ieyei dokshuohjü dok 1.5, hatü ngini lingpü chilimji ieyei dokshuohjü gram 800 nyuteke. Ngini lingpü nükshung peü shepei dok 27.6 nyuteke.

⁸⁶Hon nükshung kuk ieyei dokshuohjü gram 110 kü ayingshü maei maei shihtü phopshemei shuohteipü aimü nyuteke. Hon nükshungthü peü shepei dokshuohjü dok 1.32 nyu.

⁸⁷Jakpü moila shuohhen shingvaishi vangbong hük lompü yemhimak peü shepei mohoh chebaong anpünyi, mi chebaongha anpünyi, mi chebaong anpünyi, ha mü hahying moila, hatü mang moila shuohhen yum chebaong anpünyi,

⁸⁸hatü mongjempü moila shuohhen shingvaishi yemhimak peüshep mohoh chebaongha hapüali, mi chebaongha pejem, yum pejem hatü vangbong hük lompü mi chebaong pejem nyuteke. Hathüyü moidü thiteiphu pheikü daühen shingvaishi shuohpü moilathü nyuteke.

⁸⁹Mechem Mosai ashakshem mongei SHEMBÜPA mü shah eteihen shüpa, büpai Vangpüshuwpü Pela shang kübü cherubim nyi aa kübü ngeü vamei SHEMBÜPAi büpa kü eshuohpü büpai dan, hatü büpai SHEMBÜPA mü shah etei.