Read Phom Naga ZEPHANIAH 3 Bible Online

ZEPHANIAH 3 - Phom Naga bible

ZEPHANIAH 3

¹Ühingnakaipü, dokteikhaungkheipü, hatü sheihdaipü chingnyü, Onyükei!

²Pinnyüi SHEMBÜPAlei ngeü nedan, yeanpü sha neyah, SHEMBÜPA kü hingnelem; Kahvang yopailei neheih.

³Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.

⁴Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.

⁵Shejao daülangpü SHEMBÜPA jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

⁶SHEMBÜPAi enyüke, ngei jatthü peü mahtükkemtepih, jomei veyomdü bentükkemtepih. Üpaiyao nekamteihen mü ngei jomei chingyangshong vüngtüktih; Hangkuli chingchingei nenyuhen mü ngei jomei chingnyüthü vüngmaki yaktüktih.

⁷Ngei hapa chingnyü kü, “Hingmei, ammi ngei kü nyemtuh, hatü ngei yeanpü shah yahtuh. Shejema am nyushing nemahtükhen, nevaijü ngelei hanghi am kü nepeiküpih” shei etepih. Shejao jomi dükpü lemphüli kü nyeinya nemeipü düknyüke.

⁸SHEMBÜPAi enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

⁹Hahepak kü jom peü kemei SHEMBÜPA kü nyükhen shingvaishi, hatü pang hük kü paaitü büpa chongphohen shingvaishi, ngei nanglakthülei jubenyeijaang daütükhen.

¹⁰Ethiopia yungdang kübü haidaipü ngelei nanglakthüi ngei kü khümhen moila koei peikahen.

¹¹Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

¹²Mehenangkü ngei amphong khongkü nenteiaokpü, hatü inpünyaipü shennyakthü tuhphahen. Jomi SHEMBÜPAlei men kü hinglemhen.

¹³Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

¹⁴Mongongpai loktuh, Oh Zion nela; Wongmü lentuh, Oh Israel! Ammei mong kempai mongong mongletuh, Oh Jerusalem nela!

¹⁵SHEMBÜPAi ammei hanghi yahlangteke, büpai ammei vepa ngaümphei yaaktükteke. SHEMBÜPA, Israel amei Ongpa am mü nyüke; am hajük kü mehe kao nenyempih.

¹⁶Ha nyih jomi Jerusalem kü hei ehen, Oh Zion, nüng tenyem; ammei lak yungei tenyu.

¹⁷SHEMBÜPA, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

¹⁸Am nenyemhen shingvaishi ngei am toueipü mongmang yaktüktih.

¹⁹Ha nyih ngei am kü shüveipüthü kü shüveihen. Ngei lakkholanopüthü yanghen, hatü haidaipü nanglakthü thailanghen. Jom veüponghüpü kahdok peü kü veüpong nangjei menvih shuohhen.

²⁰Hapa nyih, ngei am haidaipüthü shemei müei leihen, mechem ngei am shao bümeiyangma leihühen, Kahdoknyü hangku peü khongkü ngei am kü dhüm shuohhen, hatü menvih shuohhen shei SHEMBÜPAi enyüke.