Read Phom Naga ZEKHARIAH 13 Bible Online

ZEKHARIAH 13 - Phom Naga bible

ZEKHARIAH 13

¹Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.

²Hapa nyih kü, deih-ei danghen shingvaishi kahmük kü nyupü lajeithü men peü katitükhen, hatü kahmük kü nyupü thibüthü hatü nedaüpü laanghathü changtükhen,

³hatü thibü hanei dangkao shao vamjema, jom büh jom paümpü nyühipathüi, “Didaikemtuh; mehenangkü ammi SHEMBÜPAlei men kü shahshem enyüke” shei ehen, hatü mechem jom teteivanei ejahen, jom büh jom paümpü nyühipathüi-üng jom jütükkemhen.

⁴Hapa nyih, thibüthü peüi laophülei thihivam shah hatü manghkhang nangkü veühen. Mih kü ühinghen mü mum kohpü thibü ow ne-owhen,

⁵shejao jomi, “Ngeiyü thibü hük nevaipih, ngeiyü vangsha am hih; mehenangkü hashih mebü kahdok kü ngüh-ei shünyü langei heihpeih” shei ehen.

⁶Hanei ami jom kü, “Nüngei jaaba leipü makawthüyü meheang?” shei pheshuohjü, “Hathü makaw ngei küphü shemei aokhahpeih” shei jomi janghen.

⁷“Paotuh, Oh yanlu, ngelei dou dükpü mi yombüthü khüei” shei Jeiyong SHEMBÜPAi enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

⁸Kahmük peü kü, shing jem kü shing nyi mahtükhen, hatü shing jem kü shing hük mon yemmü tuhhen shei Jeiyong SHEMBÜPAi enyüke.

⁹Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “SHEMBÜPAyü hamei Kahvang” shei jomi ehen.