Read Phom Naga MATHI 24 Bible Online

MATHI 24 - Phom Naga bible

MATHI 24

¹Jisu phopshem leipü vamei lüdai-i nyushingkü büpalei nanglomthüi büpa kü phopshem huhen pei.

²Hahepak kü büpai jomphong kü, “Amphongi hathü peü eenyüla? Hingmei ngei am kü enyeih, yaong hükao hük shangkü haüshi nenyuhen; peü noei shüktükkemhen” shei e.

³Mechem büpa Olive Kahshangei uoshi nyupa, nanglomthü mon lomei büpa touei peiyei, “Nüng yiükahen nyangeihepü hatü kahdoknyü den dohpü mekei hatü mechem nyukahen ha ham kü eshih” shei e.

⁴Jisui jomphong kü e, “Amphong üpayao lemnyongei nedaihen lituh.

⁵Mehenangkü longshi shing ngelei men kü, ‘Ngeiyü Khrista’ shei eshi peikahen hatü hathüi longshi shing lemnyongei mülanghen.

⁶Amphongi vehok hokpü ngeü hatü vehok shahjang danhen; shejao am mongteshang; mehenangkü hayü vamküshasha, shejao dohpü ngoihen shao-üng nyüpeih.

⁷Mehenangkü jati jat khüei, hatü ongchingi ongching khüei yaonghen, hatü shing peü philei shaühile hatü pedi vükpü nyukahen.

⁸Shejao hathü peü shangponghen pangpü mon.”

⁹Hahepak kü amphongü shüveihen shingvaishi lanei shuohtükhen, hatü am jütükhen, hatü ngelei men kü jat peüi am kü jiühitphahen.

¹⁰Hahepak kü longshi shing huluh shuohtü dohen, hatü jom hüki hük yuteihen hatü jiühitteihen.

¹¹Shahshem thibüthü longi vamhen hatü longshi shing lemnyongei mülanghen.

¹²Shahkung mangpü ahdaipü nangkü bampü vüngmaki leidaihen.

¹³Shejao üpai dohpü thahshi nenhen yemleihen.

¹⁴Hatü hapa ongching shahjangmei kahdoknyü peü lemei denpü hük vaishi jatthü peü kü chongvenhen; hapheikü dohpü ngoikahen.

¹⁵Hanangkü Daniel thibüi epü keiha mechem amphongi daülangpü shingei nyembenüng jiühitnalai yaongshi eehenshang (iepüthüi ha nyinghahtuh),

¹⁶Judealei nyupüthü kahshangthülei nyaidaituh;

¹⁷shem adokei nyupü shennyaki shem leipü dou yahnüng teshü;

¹⁸kahlei nyupü shennyaki bhagthuh yahnüng telei.

¹⁹Hathü nyih kü büm nekongi nyupü hatü naüja nyupü nyüthü onyükei!

²⁰Amphong nyaipü ünyü hepak nevaijü Sabbath nyih nejiühen phoptuh.

²¹Mehenangkü hapa hepak keyü kahdoknyü chongpanghinüng shaang thahshi kü mechemao hapakei nenyupü hatü mechemao hapakei nenyukahen shanghah hük nyuhen.

²²Hathü nyih shoh-ei neleilangmeyü üpayao neyangaokhen vaipeih, shejao jelangpüthülei men kü hapa nyih Kahvangi shohtükpeih.

²³Hahepak kü hanei ami amphong kü, “Veituh, Khrista hatouei nyüke!” nevaijü, “Büpa antolei nyüke!” shei ephüjü ha kü hingtelem.

²⁴Mehenangkü shahshem khristathü hatü shahshem thibüthü vamkahen hatü nyangeihepü hatü yashanyale douthü dükei longshi shing lemnyongei mülanghen; aokjema jelangpüthüao lemnyongei mülanghen.

²⁵Yeihshi ngei am kü ha etepih, nyingtuh.

²⁶Hanangkü hathüi nüng kü, “Veituh, büpa jahpanei nyüke” shei ephüjü am halei tedai. Jomi, “Büpa mongpa dungei nyüke” shei ephüjü ha kü hingtelem.

²⁷Mehenangkü heongphi leipü klang nyepei heshü thahshi vangngaipü keiha Shennyak Ha peipü nyuhen.

²⁸Melei mahng nyu, halei langdathü thaiyei nyunyeih.

²⁹Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

³⁰Hahepak kü Shennyak Ha nyangeihepü phumshangei vamhen, hatü kahdoknyü jatthü peü thephen. Jomi Shennyak Ha vangsho phumthü shangkü uotü ngan hatü müknyinshekhang longpü kü yiüpü eehen,

³¹hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

³²Adhapü kübü amphongi ha nyingtuh: Mechem adhapü kü nien neenei phenlak vampü eehenshang shao yopailei ngoikünyüke shei nyingnyüke.

³³Hapa keiha mechem ammi hathü douthü vamei eehen, büpa yopailei, heiüng shem shadenei nyüke shei nyingtuh.

³⁴Hingmei ngei am kü enyeih, hathü peü mangpeih thahshi hapa denhivan peih-ei nedaihen.

³⁵Vangsho hatü kahdok peihdaihen, shejao ngelei shah nepeihdaihen.

³⁶Shejao hapa nyih hatü hepak jung Opa mü lenei üpaiyao nenying; vangsho phongshani nevaijü Ha-iyao nenying.

³⁷Mehenangkü Noahlei nyih kü keiha Shennyak Ha peipeyao nyuhen.

³⁸Mehenangkü hathü nyih kü Noah-i jahaslei mangshü thahshi bünghiyang lemshekü hah-ei yingei yiükyah lashomei nyuteke,

³⁹hatü yung longei jom mangphonglang thahshi jomi meheyao nenying; hapa keiha Shennyak Ha peipü nyuhen.

⁴⁰Hahepak kü shennyak nyi kahlei nyuhen; hük yahlangtü hük tuhphonghen,

⁴¹nyüha nyi hah shüei nyuhen; hük yahlangtü hük tuhhen.

⁴²Hanangkü thaeimaei nyutuh; mehenangkü mehe nyih ammei SHEMBÜPA yiükahen ammi nenying.

⁴³Shejao ha nyingtuh: Shem shembüi mepa hepak kü gühpa peihen ha nyingei nyulangmeyü büpa neshi-i nyuhen, hatü shem mangei gühpa neshühen vaipeih.

⁴⁴Hanangkü amphongao temei nyutuh; mehenangkü nedeihpü hepak kü Shennyak Ha yiükahen.

⁴⁵Shejema hingmeipü hatü kon kohpü chongphobü üpaang? Büpayü shembüi laophülei shem leipü lebü chongphobüthü shak kü hepak jiüshi hahying hanei shuohhen shembü shaei tuhpüba hih.

⁴⁶Shembü nyokei leishingkü dou dükei nyupü chongphobüyü moihiman.

⁴⁷Hingmei ngei enyeih, büpai büpalei mopthü peü kü veihen hük jeyei tuhhen.

⁴⁸Shejao nemeipü chongphobüi, “Ngelei shembü hepak luangi nyutü leikahen” shei eshi,

⁴⁹büpai jempü chongphobüthü kü üpei, yiü chokpüthü mü hah-eiyingei nyujema,

⁵⁰nyih hük hapa chongphobülei shembü büpai deih-ei nedangpü nyih hatü hepak kü nyokei leihen.

⁵¹Shembüi büpa khih mü dehtükhen hatü akhümmong-ümpüthü mü shüktükhen; halei theppü hatü bha vükpü nyuhen.