Read Phom Naga SHAHKÜP 15 Bible Online

SHAHKÜP 15 - Phom Naga bible

SHAHKÜP 15

¹Bong nyetpabü dohpü ieyei am kü shemhen nyupü bheishe hang katitükhen vongbong.

²Hayü hapakei dükhen: Jempü Israel am kü hang lushuoh-ei nyupüthü peüi hapa bheishe hang neshemhahhen vongbong. Büpai jempü Israel am nevaijü jeihinaü kü hapa hang neyühen vongbong; mehenangkü bheishe hang neshemtei-i katitükhen SHEMBÜPAlei hepak baongteke.

³Ammi yenpa-oupa leipü bheishe hang yühen aok, shejao ammei jeihinaüi shemhen nyupü bheishe hang neyühen.

⁴Hapakei vaijao am hükao taoeinangei nenyupih; mehenangkü SHEMBÜPA, ammei Kahvangi am kü mükjüp shuohpü kahdokei büpai changshi moihimanphahen.

⁵Ammi SHEMBÜPA, ammei Kahvang kü mon ven bangtuh hatü shinnyih ngei am kü epü shahkungthü kü kenhingei mütuh.

⁶Mehenangkü SHEMBÜPA, ammei Kahvangi lahpü keiha amphong kü moihimanphahen, hatü mih jatthü kü lushuohhen shejao ammi jom leipü neluhen. Ammi lebü jatthü shak kü vanglem lemhen shejao am shak kü üpaiyao vanglem nelemhen.

⁷SHEMBÜPA, ammei Kahvangi am kü shuohpü kahdok kü jila haneilei dangkao taopü jeihinaü nyujema, büpa kü sheühhen kaungei nevaijü nemongi tenyu.

⁸Shejao ammei lak laiyei büpai napüshük lueishuoh.

⁹Hang lupü neshemi katitükhen nyetpabü vangbong ngoikünyüke shei mong kü ten deihtü mekei neyahpü taopü jeihinaü kü nelunelakshuoh-i tetuhphong. Ammi büpa kü nelushuohjema, büpai SHEMBÜPA kü am khüei lenhen hatü am mang thahhen.

¹⁰Büpa kü nekaungi shuohtuh, hatü SHEMBÜPAi ammi dükpü lemphü kü moihimanphahen.

¹¹Düngei vaishi Israel am hanei payü taoei nyukahen. Hanangkü ammi ammei jeihinaü taopathü kü lak laiyei shuohtuh.

¹²Jempü Israel am nyüha nevaijü baha hüki laophü nyingi am kü aa kei yuphüjema hatü vangbong vok thahshi chongphojema, vangbong nyetpabü kü hapa shennyakü aa laphen kübü bümei leiyei deishihtuh.

¹³Mechem ammi büpa bümei leiyei deishihhenshang lakkong tedeishih.

¹⁴Büpa kü ammei mi, hahying hatü yiü shei SHEMBÜPAi am kü moihimanpükei yah-eishuoh.

¹⁵Amü Ijiplei aa kei nyuhampeih, shejao SHEMBÜPA, ammei Kahvangi angei leipeih shei deihtuh. Hanangkü shinnyih ngei ha shahkungnyü am kü shuohnyüpeih.

¹⁶Shejao ammei aa shennyaki am kü, “Ngei am mü yanei nedaihüang” shei eküjema, büpai am hatü ammei shem am kü bamnyüpeih hatü chemi nyuhen lümjema,

¹⁷büpa ammei shem shaden touei deiyei nyiammüh yah-ei büpalei dhaong shionghen, hatü büpayü yangnyu den kemei ammei aa vaihen. Hapa keiha nyüha aa kao düktuh.

¹⁸Mechemao ammi aa hük bümei leiyei deitükhenü longi lomoh hatü douwong shei tedeih; mehenangkü büpai vangbong vok thahshi am chongphopeyü nang shanpü mü shing nyi nyeishi nanglei vaitepih. Hapakei düktuh hatü SHEMBÜPA, ammei Kahvangi ammi dükpü lemphü kü moihimanphahen.

¹⁹SHEMBÜPA, ammei Kahvang shingvaishi shongei shaanpü mohoh hatü mi chebaonghathü peü hayaoha khaatei tuhtuh; shongei shaanpü mohoh chebaonghai dou tedükhü nevaijü shongei shaanpü mi chebaongha kübü mum tejap.

²⁰Vangbong ieyei am hatü ammei shemongi SHEMBÜPA ammei Kahvang touei büpai jepü khümshingei hathü hahhen.

²¹Shejao hapa yem kü lemhük eela koshi, la khodaitü nevaijü nemei-i kawhikang kohdaitü nyujema, hapayü SHEMBÜPA, ammei Kahvang kü moila teshuoh.

²²Hapayü ammei shemmei hahhen. Shaokphai hatü meishiyphai hahpükei nedaüpü hatü daüpü yem hahhen aok.

²³Shejao ammi hapalei iy tehah; yung keiha kahdokei heentüktuh.