Read Phom Naga PHONGSHANTHÜ DOU 6 Bible Online

PHONGSHANTHÜ DOU 6 - Phom Naga bible

PHONGSHANTHÜ DOU 6

¹Shaang hathü nyih kü mechem nanglak bhei-ie dapa, Greek ami jomei vaümnyüthü kü nyihjeih hahying jiüshi nehannyu shei Hebrew am khüei langmaan.

²Hanangkü anpünyi-i vaipüthü peü nyükei thaihütü, “Lophiya henghen nangkü hami Kahvang shah ne-e-i nyuhen jiüpü nevaiang.

³Hanangkü jeihinaüthü, amphong khong kübü menmei kohpü, Laangha hatü kihikoni maei nyupü jetuh, hatü hami jomphong kü hapa dousho kotü tuhhen,

⁴shejao hamphong payü phoppü hatü chongvenlemlingpü kü lanei shuohhen” shei e.

⁵Jomphongi mehe e, ha kü khongi mong hah-ei deih, hatü jomi hinglempü hatü Laangha Daülangpai maei nyupü Stephen mü Philip, Prokhorus, Nikanor, Timor, Parmenas, hatü Antiokh am mong lepei leipü Nikolaus jeteke.

⁶Jomi hathü shennyak phongshanthü touei yaonghütü phop, hatü jomei laki jom kü shüngteke.

⁷Kahvangei shah da khan da; Jerusalemei nanglak bhei-ie longi da, hatü ngongpathü longi ha vaipü kü ven bangei leiteke.

⁸Stepheni phahji hatü ngani maei nanglakthü touei thamapü hatü nyangeihepü longi dük.

⁹Hahepak kü Bümei shei epü shennyakthülei (hapakei jom kü nyükteke) Sinagog leipü Cyrene am, Alexandria am hatü lebüthüyü Cilicia hatü Asia kübü hanei ami Stephen mü shah dakteiyei yaongteke.

¹⁰Shejao büpa mü shah epü kihikon hatü Laangha mü jomi khangteiyei neaok.

¹¹Hahepak kü jomi joei hanei am kü, “Büpai Mosa hatü Kahvang kü thaüvaüei epü hami dantepih” shei ehühen gühshah showteke.

¹²Jomi nanglakthü, behethü hatü nyangbüthü mongpuk vamhü. Jomi ngangahük kü büpa pongei yep, hatü shahtapei müei dei.

¹³Jomi büpa khüei shahshem denpü lingtü, “Hapa shennyaki hapa daülangpü shing hatü shahkungnyü khüei epü nedohnyu;

¹⁴mehenangkü hapa Nazareth am Jisui hapa shing mangtükhen hatü Mosai jen kü shuohpü vanglem yeiyatükhen shei büpai epü hami dantepih” shei eteke.

¹⁵Shahtapei uopüthü peüi büpa kü hüngei vei, hatü jomi büpalei dheyü vangsho phongshanei dhe kei eeteke.