Read Phom Naga 1 KORINT 8 Bible Online

1 KORINT 8 - Phom Naga bible

1 KORINT 8

¹Shaangü lajei kü jeetükpü hahying nangkü: “Jen peü kü kihikon nyüpeih” shei jeni nyingnyüke. Kihikoni changmeipai pouknyeih, shejao bampai lingnyüpeih.

²Üpai lemhük payü nyingnyu kei ehahnya, büpai nyinghen jiüpeyao nenyingnyu;

³shejao üpai Kahvang kü bamnya, Kahvangi büpa nyingnyeih.

⁴Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

⁵Vangsho nevaijü kahdoknyü kü kahvangthü longi nyuhen aok; kahvangthü hatü shembüthü longi nyüke,

⁶shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü SHEMBÜPA hük, Jisu Khrista, üpa homei douthü peü vam, hatü üpa homei jen nyunya, büpa nyüke.

⁷Shejao peüi payü ha nyingei neshiü. Shennyak haneiyü shaang thahshi lajei kü khümpü yemya nyupü nangkü mechem jomi henüng hahying hahhenshang lajei kü jeetükpeih shei deihshi hahnyüke, hatü jomei sholi wong nekohpü nangkü jom sheihdainyüke.

⁸Shejao hahyingi jen Kahvang yopailei müei nepeinyih; jeni nehahjao meheyao shaidaipü neshiü; jeni hahjao meheyao mei neshiü.

⁹Shejao am kü nyupü bümei heani wong nekohpüthü huluh neshuohhühen kenhingtuh.

¹⁰Am kihikon kohpüthüi lajeilei phopshemei hahyingpü wong nekohpü shennyaki eejema, büpai lajei kü jeetükpü hahying hahhen büpa mong nelonghen je?

¹¹Hanangkü hapa wong nekohpü jeihinaü, üpa shing Khrista di, nüngei kihikoni büpa mahtükteke.

¹²Shejao mechem nüngi hapakei nüngei jeihinaü khüei mang thahhen, hatü wong nekohpü büpalei mong kü ma yahhühen, nüngü Khrista khüei mang thahnyüke.

¹³Hanangkü ngei mehe hah, ha homei ngelei jeihinaü mang thahhüjema, ngei büpa mang kü nevüshihhen shingvaishi ngei hajük kü phai nehahhen khih.