Read Phom Naga 2 KORINT 2 Bible Online

2 KORINT 2 - Phom Naga bible

2 KORINT 2

¹Hanangkü am mongmanghen mü ngei nyipabü am nethümhen shei mongkü deihpeih.

²Mehenangkü ngei am mongmanghüjema, ngei mongmanghüpüthü mü lenei ngei mongonghühen halei üpa nyüpa?

³Ngei mechem peihen, ngei mongonghühenthüi ngei mong nemanghühen shingvaishi ngei dükpükei am kü hapa lai nyangpeih; mehenangkü ngei mongongpeyü am peü mongongpü vaihen shei ngei am peü nangkü monglempü nyüpeih.

⁴Ngei shelei am kü nyangpeyü mongshang longpü hatü mongei mongmang longpü mü mükphi longi yenei nyangpeih; hapayü am mongmanghühen nangkü nevai, shejao ngei am kü bampü longpü nyinghühen shingvaishi hih.

⁵Shejao hanei ami am mongmanghüei nyujema, büpai hayü ngei kü nevai, shejao lemhüklei, daei enyu nevai, am peü mongmanghüteke.

⁶Hapa shennyak kü ammi hanghi shuohpeyü büpa shing changphei;

⁷hanangkü büpa ahshi mongmangpai dhao mü dohdaimangkü shaangü ammiang büpa kü mang tükeishuoh hatü mongmeihütuh.

⁸Hanangkü ammi büpa kü bampü shao meishi wonghütuh.

⁹Ha tata kü ngei am kü nyangpeih: Ammi lemphü kü ven dannyüla shei nyinghen nangkü am kü dokpeih.

¹⁰Ammi üpa kü mang tük, ngeiyao mang tüknyeih. Lemhük mang tükhen nyupü kü ngei mang tükpü vaijema ammei men kü Khrista touei mang tüktükpeih.

¹¹Jeni hayü kahshih-i jen ne-aokhühen shingvaishi ha düknyeih; mehenangkü jeni büpalei dükhiling nenyingi neshiü.

¹²Mechem Khristalei shahjangmei baonghen ngei Troaslei peipa, SHEMBÜPA kü ngei shingvaishi shaden aptüktü nyuteke;

¹³shejao ngelei mong nyiushem nemei; mehenangkü halei Titus nenyuang. Hanangkü ngei jom kü nyu-e shei etü Mecedonialei heihdaipeih.

¹⁴Shejao Khrista kü jen aokpü philei müpü Kahvang kü menvih shuohtuh, hatü jen homei büpa nyingpü kübü vampü vong meipü shing peülei yanei dainyüke.

¹⁵Mehenangkü jenphongü yangpüthü touei hatü mahpüthü touei Kahvang kü Khristalei vong meipü meli nyüke.

¹⁶Mahpüthü touei dibenüng koei peipü dibenüng shie, hatü yangpüthü touei jenphongü yangnyu koei peipü vong meipü yangnyu meli. Hathü dou dükhen üpa changpüshapü nyüpa?

¹⁷Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.