Read Phom Naga 2 KORINT 8 Bible Online

2 KORINT 8 - Phom Naga bible

2 KORINT 8

¹Jeihinaü hatü nyahinaüthü, Macedonia leipü attoithü kü Kahvang phahji shuohpü jung hami am kü nyinghünyüke.

²Jom kü shangpong longpai dokshingkü jom longi taolangmao jom nyeishi mongongpai nekaungi moila longi shuohteke.

³Jomi mongi aokei jom kü mop peipü aimü hatü hapa mao nyeishi shuohpü kü ngei denpü shuohnyeih. Jom nyingi mongpü kü,

⁴Judealei nyupü vaipüthü kü sheühhen jomao hean yahhüpü nangkü jomi ham kü phephopeih,

⁵hatü hapayü hami eema shei deihshi nyupü kü nevai, shongei jom nyingi SHEMBÜPA kü shuoh, hatü Kahvangi mongpü homei ham kü yahphopeih.

⁶Hanangkü hami Titus kü büpai shelei pangpükei hapa bampü dou dohpü thahhühen eshuohpeih.

⁷Shejao ammi lemphü kü chah-ei meipükei — hinglempü kü, epü kü, nyingpü kü, ammi sheühhüpü hatü ammi ham kü bampükei ammi shao hapa bampü dousho kü nyeishi nekaungi shuohhen nanyüke.

⁸Ngei hapayü shahkung kei ne-enyih, shejao mih-i sheühhüei monghumpü eeyei ammi bampü meshük hingshangpa, ngei ha nyinghen doknyüpeih.

⁹Jenei SHEMBÜPA Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.

¹⁰Hapa nangkü ngei am kü shahnying meipü shuohshah: Müvang amphongü shuohpü kü shongpü mon nevai, shejao hapakei shao nedoh-i shuohhen mongpü nyuteke.

¹¹Am kü peipü mop aimü ammi ha dükhüpeyü dou leiyei temei dükpai changhütuh.

¹²Mehenangkü shuohhüpü mong nyuphei keyü laophüi ne-angpü ai nevai, shejao angpü aimü thintho yahnyüpeih.

¹³Hapayü mih kü nyiumei shuohtü am kü hanggovih shuohhen nangkü ngei ne-enyih, shejao aihük mü nyuhen nang enyeih.

¹⁴Shaang amei changshi nyupai jomi napü kü shuohhen, hatü ammi nashingkü jom changshi angpai am kü shuohhen, shejüang aihük mü nyuhen.

¹⁵Hapa nyangei nyüke: “Üpai longi thai, nyeishi neshiü; hatü üpai maani mon thai, ahshi maanshi neshiü.”

¹⁶Ngei kü nyupükei Tituslei mongkü am shing nyakpükenpü mongdang shuohpü Kahvang kü ngei menvih shuohnyeih.

¹⁷Büpai hami phepü kü mon yahpü mon nevai, shejao büpai nyingnyoipü mao nyeishi kenpü nangkü büpa laophü nyingi temei am touei peikünyüke.

¹⁸Shahjang meipü dousho nangkü attoithü peüi dupü jeihinaü hük büpa mü hami shomphünyeih.

¹⁹Ha mon nevai, shejao hami SHEMBÜPA men kü bampü hupü dousho chongpho shingkü hatü hami sheühhüpü huhen nangkü hami moila koei SHEMBÜPA müknyinshekhang shingvaishi daishingkü büpa ham mü daihen shingvaishi attoi ami büpa jepeih.

²⁰Hami hapa mongong thintho noteishingkü hapa lem kü mih-i nümnümpü nevamhühen khenyeih.

²¹SHEMBÜPA touei mon nevai, shejao shennyak toueiyao mehe jiü, ha dükhen hami hanghi yahnyüpeih.

²²Hami dokei veitü lemphü phikü monghumpü jenei jeihinaü jomphong mü shomphünyeih, shejao büpai am kü monglempü longpü nyupü nangkü büpai shaang nyeishi monghumpü nyüke.

²³Titus nang keyü, büpayü am chongphopü kü ngei mü hean yahbü hatü chemi chongphobü; jenei jeihinaüthü nang keyü, jomphongü Khrista müknyinshekhang kü attoithülei phongshanthü.

²⁴Hanangkü attoithüi eehen shingvaishi hathü kü ammi bampü, hatü am nangkü ham changmeiyei deihpü lekei hueishuoh.