Read Phom Naga KOLOSI 2 Bible Online

KOLOSI 2 - Phom Naga bible

KOLOSI 2

¹Hanangkü ngei am, hatü Laodikea am shingvaishi hatü ngei dhe dhe gongei mang-eepü peü shingvaishi meshük hokeiheiyei düknya ha nyemnyinglangpha shei deihnyüke.

²Ngei ha dükpü mükhongü jom mongkü mongnang thongteihen hatü bampü kü mongjemhen nangkü nyüpeih, shejüang hingshangpü danteipai koei peipü lekhingpü mop hatü Kahvangei shahjo lappai, Khrista nyinghen.

³Büpa kü kihikon hatü nyingpühingpü mop peü jaoshi nyüpeih.

⁴Üpaiyao amphong kü shahmei eyei nelunelemhühen shingvaishi ngei ha enyeih.

⁵Ngelei büm am mü nenyujao ngei laangha kü am mü nyüpeih, hatü am kenhingpü hatü Khrista kü hinglempü kü wong kohpü eehen ngei mongongnyeih.

⁶Hanangkü ammi Khrista Jisu SHEMBÜPA yahpü keiha nedoh-i büpa kü yangnyu nyuei,

⁷büpa kü tünglang yiüei hatü lingei leipü kü chonglingei am kü nyuhpü keiha menvih shuohpü kü changshishashi nyutuh.

⁸Üpaiyao amphong Khrista leipü nevaipü kü yahlak neshiüpü aivang büshah kübü eyei peipü hangkulei kihikon shah hatü kahdoknyü kü vanglem lempü laanghathüi am aa leihüei müei nedaihen lituh.

⁹Mehenangkü büpa kü Kahvang nyingnyoi peü lomei nyüke,

¹⁰hatü vanglem lempü hatü yemya yapü peüei shangjing kü am changpüshapü leihüei nyüke.

¹¹Mang nyingnyoi yaktüktü shennyaki laki jappü kü nevai, Khrista kü japtükpü kü amphongao büpa kü laangha kü japtüktü nyüke.

¹²Mechem amphong büpa mü baptükpü kü mahng vüpa, büpa dipü kübü yangei leishihpü Kahvang ngan kü hinglempü homei amphongao büpa mü yangei leiteke.

¹³Mechem amphong mang kü phai kü nejapi dipa, büpai jenei mang kemei tüktüktü büpa mü Kahvangi am yangei leishih.

¹⁴Shahkungi yüpükei jen khüei nyangei nyupü peü thittüktü büpai ha shophang kü aptük.

¹⁵Büpai vanglem lempü hatü yemya yapü laanghathü peü büpai shophang homei jom aoktüktü büpai hathü shakei vamei huteke.

¹⁶Hanangkü üpaiyao amphong hahying nangkü nevaijü mohitap, lenja nevaijü Sabbath nangkü am tenyonghü.

¹⁷Hathüyü peikahen nyupülei vangdhüm laang mon, shejao hingshangpübayü Khrista hih.

¹⁸Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

¹⁹hatü Khrista, üpa büm kempülei shangjing nyüpa, ha kü wongshongi neshoungnyu. Khrista phangkü büm kemei kü wong shuoh-ei vangbaong peü haphüei Kahvangi mongpü lem shenteiyei longhünyüke.

²⁰Amphong Khrista mü diyei kahdoknyü kü vanglem lempü laangthü kübü bümei leiphei vaijema, shaang thahshi kahdoknyülei shennyak kei mehekei nyunya? Mehekei amphongi,

²¹“Ha tedük,” “Ha kü tejep”, “Ha kü tehong” shei epü shahkungthü bangnya?

²²Hathü peü noteiyei mahdaihen douthülei shahkung; hathüyü lapja-i hangkulei shahkung hatü nyuhpüvenpü nyüke.

²³Hapa keipü shahkungthü keyü kangeishungei vangsho phongshanthü kü khümpü, shahshemi maanpü leipü, büm kü shüveiyei dükhahpü kihikon nyüpeih, shejao hathü kü laophülei büm ungei leipü kü hingshangpü nanglei neshiü.