Read Phom Naga 1 THESALONIKA 4 Bible Online

1 THESALONIKA 4 - Phom Naga bible

1 THESALONIKA 4

¹Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami SHEMBÜPA Jisu kü hapakei nyeinya nyeinya nyuhen hami am kü phenyeih hatü kangnyeih.

²SHEMBÜPA Jisu homei hami am kü mehe nyuhpüvenpü shuohtepa, ha ami nyingei nyüke.

³Am daüeilangei nyuhenü Kahvangi mongpü nyüke: am iyjeiphailei kübü yanei;

⁴daülangi hatü dhüm kohshi nyuhen mü am peüi laophülei iy hi phai ungei tuhhen nyinghen vongbong,

⁵Kahvang nenyingpü Kung ami kei phai-i yahhüpü tenyu,

⁶hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei SHEMBÜPAi hapa keipü mangthü peü shing shennyakthü kü hanghi shuohhen.

⁷Mehenangkü Kahvangi jenphongü nedaünelangpü kü nevai, shejao daülangpü yangnyu nyuhen nyükpeih.

⁸Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

⁹Shaang jeihinaü hatü nyahinaüthü bamteihen nangkü hami am kü nyanghen napü neshiü; mehenangkü am nyingi hüki hük mü bamteihen Kahvangi nyuhteke.

¹⁰Hingmei, ammi Macedonia kü nyupü jeihinaü hatü nyahinaüthü peü kü bamnyüke. Shejao jeihinaü hatü nyahinaüthü, ammi hapakei nyeinya nyeinya düktuh shei hami am kü enyeih.

¹¹Nenmü nyuhen kentuh, laophülei dousho kü mong shuohtuh, hatü hami am kü epükei laophülei laki dou düktuh,

¹²shejüang ammi haolei nyupüthü touei dhüm kohhahhen mü nyuhen, hatü ammi üam kao mongnyangshi nenyuhen.

¹³Jeihinaü hatü nyahinaüthü, shidaipüthü nang am kü ha nenyingi netuhhüang nevaijü monglem neshiüpü lebü shennyakthü kei thepeiyoungei netuhhüang.

¹⁴Jisu di hatü yangei lei shei jeni hinglem, hanangkü Kahvangi Jisu homei shiyei nyupüthü büpa mü yangei leikahen.

¹⁵SHEMBÜPAlei shah aimü jen üam nedi-i nyu, üam SHEMBÜPA yiüpü thahshi yemmü tuh, hingmei-üng shipüthü kü neyeihhen shei hami am kü enyüpeih.

¹⁶Mehenangkü SHEMBÜPA laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.

¹⁷Hapheikü, jen üam yemmü nyu jom mü chemi phum kü SHEMBÜPA mü pongnüng phumshangei yah-ei anlanghen. Hapa keiha jen SHEMBÜPA mü den kü nyuhen.

¹⁸Hanangkü hathü shah-i hüki hük mü mongnang thongteituh.