Read Phom Naga JOSHUA 12 Bible Online

JOSHUA 12 - Phom Naga bible

JOSHUA 12

¹Hathüyü Israel ami neütükpü hapa kahdok kü nyupü ongthü khih, hatü jomei kahdok Jordan heongphi, Arnon kahji kübü Hermon Kahshang thahshi heongphi Arabah peü omei yahteke.

²Amor am Sihon ongpa, büpai Heshbonei chong vaitü Aroer kübü Arnon kahji jung hük kübü hapa kahji jiam thahshi, hatü Ammon amei viong Jabbok yungyen ngoishi; hapayü Gilead kahdok jiam thahshi vanglem lemteke.

³Büpai Khinneroth yungching heongphi Arabah kübü Dipü Yungching heongphi Beth-Jeshimoth hatü pehephi kü Pisgah Kahshangla thahshi vanglem lemteke.

⁴Bashan am Og ongpa, Rephaim am khongkü shoumpü ong, büpai Ashtaroth hatü Edrei kü chong vaitü vanglem lemteke.

⁵Büpai Hermon Kahshang, Salekah, hatü Bashan kemei Geshur viong thahshi, hatü Maakah hatü Gilead kahdok jiam kübü Heshbon ongpa Sihonei viong thahshi vanglem lemteke.

⁶SHEMBÜPA chongphobü Mosa hatü Israel ami jom neütük, hatü hapa kahdok Reuben, Gad hatü bhaosheipü Manasseh phang kü jomei kahdok vaihen shuoh.

⁷Joshua hatü Israel ami Jordan heshüphi Lebanon kahji Baal-gad kübü pehephi Seir kü Halak Kahshang thahshi kü nyupü ongthü neütük, hatü jomei kahdok Joshua-i Israel am kü jat jat aimü hantü jomei lompü vaihen shuohtük.

⁸Hapa kahdokthü kü phaüshang kahmük, heshüphi kahshangla, Arabah kahjishong, jahpan hatü Negeb, Hit, Amor, Kanan, Perizz, Hiv hatü Jebus amei kahdokthü omshi nyuteke.

⁹Israel ami hathü chingnyüthü kübü ongthü neütükteke: Jeriko ong hük, Ai ong (Bethel yopai kübü) hük,

¹⁰Jerusalem ong hük, Hebron ong hük,

¹¹Jarmuth ong hük, Lakhish ong hük,

¹²Eglon ong hük, Gezer ong hük,

¹³Debir ong hük, Geder ong hük,

¹⁴Hormah ong hük, Arad ong hük,

¹⁵Libnah ong hük, Adullam ong hük,

¹⁶Makkedah ong hük, Bethel ong hük,

¹⁷Tappuah ong hük, Hepher ong hük,

¹⁸Aphek ong hük, Lasharon ong hük,

¹⁹Madon ong hük, Hazor ong hük,

²⁰Shimron-Meron ong hük, Akhshaph ong hük,

²¹Taanakh ong hük, Megiddo ong hük,

²²Kadesh ong hük, Karmel leipü Jokneam ong hük,

²³Naphath-Dor leipü Dor ong hük, Gilgal leipü Goiim ong hük,

²⁴Tirzah ong hük — peüshep ongpathü hapüanpühük nyuteke.