Read Phom Naga JOSHUA 16 Bible Online

JOSHUA 16 - Phom Naga bible

JOSHUA 16

¹Josephei hapeüthü kü hanpü kahdokü Jeriko yopai leipü Jordan kübü pangei Jeriko kü heongphi yungthü thahshi, hatü hatoueipü aongdaipü jahpan kü shüei Jeriko kübü aongdaipü phaüshang kahmük Bethel ngoishi;

²hatü Bethel kübü Luz thahshi, hapayü Ark am nyupü Ataroth kahdok ngoishi nyuteke.

³Hapheikü shao Japhlet amei kahdok heshüphi lemei shadaipü maipa Beth-Horon hatü Gezer thahshi shaei Mediterranean yungching kü leanshi nyuteke.

⁴Hapakei Josephei hapeüthü Manasseh hatü Ephraim jat nyi-i mükjüp dangteke.

⁵Hapayü Ephraim jati phang phang aimü dangpü mükjüp: Jomei kahmük viong heongphi lemei Ataroth-Addar kübü Dokpa Beth-Horon,

⁶hatü ha kübü Mediterranean yungching kü leanshi apshaphi kü Mikhmethath thahshi nyuteke; hatü hatouei heongphi kü viongü Taanath-Shiloh lemei peih-ei Janoah heongphi ngoishi nyüke.

⁷Hapheikü viongü shao Janoah kübü Ataroth hatü Naarah lemei yiüdaipü Jeriko kü hetei Jordan thahshi nyüke.

⁸Tappuah kübü viongü Kanah yungyen heshüphi lemei heih-ei Mediterranean yungching kü leanshi nyüke. Hapayü Ephraim jat phang phang kü hanpü mükjüp nyuteke.

⁹Hapa kü Manasseh phang kü shuohpü mükjüp kü Ephraim am phang kü hayaoha shuohpü jilathü hatü chingthüao omei nyuteke.

¹⁰Shejao jomi Gezerlei nyupü Kanan am nechangtük; shinnyih thahshi Ephraim nanglakthü mü Kanan am nyunyüpeih shejao aanyak kei dou dükhüei angnyüpeih.