Read Phom Naga JOSHUA 20 Bible Online

JOSHUA 20 - Phom Naga bible

JOSHUA 20

¹Hapheikü SHEMBÜPAi Joshua kü,

²“Ngei Mosa homei epü keiha,

³shennyak hanei-i nenyingi ngangahük kü shennyak hük jütükjü büpa halei daiyei bhüh yempü am kübü yanghen shingvaishi shojo ching jeyei tuhhen etuh” shei e.

⁴Shennyak jütükpü shennyaki hathü shojo ching pe shadenei yaonghen, hatü halei nyupü behethü kü mehe vampa, ha nang nih-ei ehen; hapheikü ching mongei müei shühen, hatü büpa kü shing hük shuoh-ei jom mü nyuhen.

⁵Bhüh yempü ami büpa jühen changei peilangmao jomi hapa shennyak yepei neshuohhen; mehenangkü büpai laophülei chingyowpa nenyingi jütükteke hatü shelei nedanteipü meheyao neshiü.

⁶Hapa shennyakü khong touei shah mangphen thahshi hatü ha hepak kü chongphopü ngongpa mangdi thahshi büpa hapa chingei nyuhen. Hapheikü büpa laophülei shem yemei mepa shing leipü daipa, halei nyokei leihen aok.

⁷Hanangkü jomi phaüshang kahdok Naphtali kü Galilei Kadesh, hatü phaüshang kahdok Ephraimei Shekhem, hatü phaüshang kahdok Judahlei Kiriath-Arba (hapayü Hebron) jeyei tuh.

⁸Jordan yungdangei Jeriko heongphi lemei Reuben jat amei kahji yingnyülei Bezer, Gad amei kahdok kü Gileadei Ramoth, hatü Manasseh amei kahdok kü Bashanei Golan shei jeyei tuh.

⁹Israel am nevaijü lakei loipü am üpai nenyingi hanei am jütükhenshang hathü shojo ching hükei daiyei nyuhen, hatü khong touei yaongei shah mangphen thahshi bhüh yempü ami büpa jühen neaok.