Read Phom Naga TITUS 1 Bible Online

TITUS 1 - Phom Naga bible

TITUS 1

¹Paul, Kahvang chongphobü hatü Kahvangi jepüthüi hinglempü men kü hatü Kahvang nyingpü kü shahhing nyingpü Jisu Khristalei phongshani,

²shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

³hepak jiüpü kü büpai chongvenpü homei büpalei shah shakei vamhü; ha shingvaishi yemleipü Kahvangei shahkung homei hapa kobü toueipü,

⁴Hinglempü kü hean yahpü ngelei hingshangpü hapeü Titus touei Pa Kahvang hatü jen Yemleipüba Jisu Khrista leipü phahji hatü chingmei nyute.

⁵Hanangkü dükhen aopü douthü shüpeikenghen hatü ngei epükei jila peüei behethü jehen shingvaishi ngei nüngü Cretelei tuhphongpeih:

⁶Behe hükü eela neshiüpü, nyüha hük mon nyupü, hapeüthü peü vaipü am leihüpü, hatü jomphongü lohmangpü hatü ven nedanpüthü nevaihen vongbong.

⁷Mehenangkü attoi mübü hükü Kahvangei dou kü khei vaibü vaipü nangkü eela neshiüpü vaihen vongbong; büpayü changmeipü nevaijü mongshih lomi vampü nevaijü yiü chokteipü, nevaijü depülaopü hatü lop kü bampü nevaihen vongbong;

⁸shejao büpayü yen kü bampü, mei kü bampü, kenhingpü, kangshangpü, daülangpü hatü laophü nying ungei-aeipü vaihen vongbong.

⁹Büpayü nyuhpüvenpü meipü yah-ei nyuh-aokhen, hatü hapa mü nejiüteipü yaktükaokhen shingvaishi nyuhpü aimü hinglemhen shah kü wongshongi shümpü shennyak vaihen vongbong.

¹⁰Khüei yaongpü shennyakthü, yahlak neshiüpü shah epüthü, lawlüppü, anyei vaishi japtükpüthü longi nyüke.

¹¹Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

¹²Jomei thibüthü khongkü hük hapakei eteke: “Crete amü düngei shahshem epü am, meimongnyahmong jükpü am, nehetpü hahnempüthü.”

¹³Hapa denpeyü jiüpeih. Ha vaipü nangkü jom kü wongmü loh-eishuoh, shejüang jomi vaipü kü meishi leihen,

¹⁴hatü Jehoda amei yimpila nevaijü shahhing yaktükpüthülei shahkungnyü kü jomi mong neshuohhen.

¹⁵Daüshi nyupü am keyü lemphü daüshi nyüpeih, shejao üam sheihdai hatü hingnelem, jom shingvaishi meheyao daülangpü neshiü. Jomei sholi mongdang kemei sheihdaiteke.

¹⁶Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.