Read Phom Naga HEBREW 10 Bible Online

HEBREW 10 - Phom Naga bible

HEBREW 10

¹Shahkungnyü-ü hingshangpüba nevai, shejao peikahen doumeithü jung vangdhüm laang mon nyüke; hapa aihük jakpü moila bong ieyei nedoh-i shuohpai khümnüng peipüthü changpüshapü neleihüaok.

²Hei nevailangmeyü jomi moila shuohpeyao doh-ei, khümpüthü den shing chem mon kü daüdaitü hajük kü mang shei nedeih-i nyudaihen vaipeih.

³Shejao hapa jakpü moila kü bong ieyei mang deih-ei lehünyüke.

⁴Mehenangkü mohoh hatü yum iy-i mang koei lüdaihen neaokbenüng.

⁵Hanangkü mechem Khrista kahdoknyülei yiüpa, büpai eteke: “Jakpü moila hatü moilathü nüngi nenanyih, shejao ngei shing nüngi tempü büm nanyeih;

⁶Jakpü moila hatü mang moilathü kü nüngi mongneongnyih.

⁷Hahepak kü, ‘Ngei hammü nyüpeih, ngei nang lai kü ha nyangei nyüke — ngei nüngi mongpü düknüng peipeih, Oh Kahvang’ shei ngei epeih.”

⁸Shongpü kü büpai, “Nüngi jakpü moila hatü moilathü, yemhimak jakpü moila hatü mang moila nenanyih nevaijü ha kü mongneongnyih” shei eteke. (Hathüyü shahkungnyüi shuohhen yüteke).

⁹Hapheikü büpai shao, “Ngei hammü nyüpeih; ngei nüngi mongpü düknüng peipeih” shei eteke. Büpai nyipabü linghen nangkü shongpüba tüktükteke.

¹⁰Jisu Khristalei büm den shing chem mon moila shuohpü homei jen daüdaipeyü Kahvangi mongpü nyüke.

¹¹Nyihjeih ngongpai büpalei dousho düknyeih; büpai leiyei leiyei aihük jakpü moila shuohnyeih; hapai mang yah-ei nelüdaiaoknyih.

¹²Shejao mechem Khristai mangthü shing den shing moila hük mon shuohpa, büpai Kahvangei lakdah philei uoteke.

¹³Hapa hepak kübü büpalei vepathü büpalei la shuopshing manglei thahshi dannyüke.

¹⁴Mehenangkü moila shan hük shuohpai daütükpüthü den shing changhüshahüteke.

¹⁵Hapa nang Laangha Daülangpaiyao jen kü denpü shuohnyüke. Shongpü kü büpai enyüke:

¹⁶“Hathü nyih pheikü ngei jom mü linghen vangpüshuwpü ha hih shei SHEMBÜPAi enyüke: Ngei ngelei shahkungthü jomei mongkü shihshuohhen, hatü ngei jomei sholi kü ha nyangshuohhen.”

¹⁷Shao büpai, “Ngei hajük kü jomei mang, hatü jomi shahkung benpü mangthü deih-ei nedangpih.”

¹⁸Melei hathü mang tüktükpü nyüpa, halei mang nangkü hajük kü moila shuohpü neshiü.

¹⁹Hanangkü ngelei jeihinaüthü, Jisulei iy homei Longi Daülangpü Shingei shühen jen monglempü nyupü nangkü,

²⁰haenpü ashak lappai, büpalei büm homei yangnyu lem ja jen kü apteke,

²¹hatü Kahvangei shem kü jenei ngongpa longpü nyupü nangkü,

²²kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

²³Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

²⁴hatü bampü hatü doumei dükhen nangkü hüki hük mü nangthongteishah.

²⁵Jeni chemi thaiteipü netuhphonghen khih; hanei amü yemya vaishi hapakei düknyüke — hatü nyeinya vaishi Nyih ngoikünyüke shei ammi eenyüke.

²⁶Jeni shahhing nyingpü yahpheikü nyingshangi mang thah-ei nyujema, henüng mangthü shingvaishi jakpü moila aoei neshiü,

²⁷shejao nyembenüng shahphenpü omdanhen hatü mangpü awi vepathü hahtükhen.

²⁸Hanei ami Mosa shahkung mangjema denbü nyi nevaijü jem homei phahji neshiüi jütükhamteke.

²⁹Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?

³⁰Mehenangkü, “Bhüh yempeyü ngelei, ngei ha kü shemhen.” Hatü shao, “SHEMBÜPAi laophülei nanglakthü shahphenhen” shei üpai e, ha jeni nyingei nyüke.

³¹Vanyangyem Kahvangei lak kü dohenü nyembenüng.

³²Shejao sheleipü nyihthü kü am kü Kahvangei vangngai khangpheikü am shanghah longi pongphei, shejao hapa shanghah-i am neneühüpü deih-ei dangtuh.

³³Chemjemü nanglakthüi am kü ngaiheyei naamteke hatü shüveiteke; hatü lebü hepak kü hapakei aihük mü ponghahpüthü kü ammi sheühteke.

³⁴Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

³⁵Hanangkü am kü nyupü hapa ammei monglem teyakphong; hapai am kü laklei longpü koei peikahen.

³⁶Mehenangkü ammi nenteiaokpü nadang; shejüang mechem ammi Kahvangi mongpü dükhen, mehe lah, ha ammi danghen.

³⁷Mehenangkü maani mon angpheikü, “Üpa peikahen nyu, büpa peikahen, hatü pheiyei nenyuhen.

³⁸Shejao ngelei daülangpü nanglak hinglempai nyuhen. Shejao üam ngümpheilei shinei leidai, büpa kü ngei mongneonghen.”

³⁹Shejao jenphongü ngaümpheilei shinei leiyei mahdaipüthü nevai, shejao hinglemei yangpüthü nyüke.