Read Phom Naga 3 JOHAN 1 Bible Online

3 JOHAN 1 - Phom Naga bible

3 JOHAN 1

¹Behe-i shahhing kü bampü Gaius touei.

²Bampü küphü, nüngi laangha phikü meishi daipükei lemphü phikü meishi daihen hatü nüngei büm meishi nyuhen shingvaishi ngei phopnyeih.

³Jeihinaüthü hanei ngoiyei nüngi shahhing kü hinglempü hatü ha kü nedoh-i kampü jung denpü shuohpü danei ngei ahshi-üng mongongpeih.

⁴Ngelei hapeüthüi shahhing kü kamnyüke shei denpü kü mongongpü mü lenei ha mü nyeipü mongong neshiüpih.

⁵Bampü küphü, nüngi jeihinaüthü kü mehe dükhenshang jomphong yen vaijao hingshangi dükeishuoh;

⁶nüngi bampü jung jomi phopshemei denpü shuohteke. Kahvang mongmeihen mü nüngi jom meishi temei shan jüngte.

⁷Mehenangkü jomphongü Khristalei men kü nevaipü amei sheühpü meheyao neyah-i yen kü daipü khih.

⁸Hanangkü jeni hakeipü shennyakthü kü sheühhen nyüke, shejüang jenü shahhing kü chemi chongphopü am leihen.

⁹Ngei attoi kü lemhük nyangtepih, shejao Diotrephes, üpai jomphong khongkü mübü leihü, büpai ngei mehe e, ha kü mong neshuohkahen.

¹⁰Hanangkü ngei peijü büpai jen khüei mehe shahshem baongei yaünya, ha ngei hengkahen. Ha mong nehami büpai jeihinaüthü yen ngoipao neyahnyu, hatü hapakei yahnüng shei ejü büpai khüamei tuhnyüke, hatü hathü attoi kübü men tüktükhen khenyüke.

¹¹Bampü küphü, mehe ten nyüpa, ha nevai, meipü veiyei yahtuh. Üami mei dük, hayü Kahvang leipü; üami ten dük, hathüi Kahvang ne-eeang.

¹²Peüi Demetrius meipü jung denpü enyüke, hatü hayü shahhing nyüke. Hamiyao büpa jung denpü shuohnyeih, hatü hami denpeyü shahhing shei nüngi nying.

¹³Ngei nyanghen longi nyüke, shejao lainyangshong hatü shiai-i nenyangshah;

¹⁴shejao nüng mü lomi ponghen monglemnyeih, shejü mon dhe dhe gongei jaüteishah.

¹⁵Nüng mü chingmei nyute. Küphüthüi selamja. Jenei küphüthü pabüm ieyei kü selam ejate.