Read Phom Naga SHAKEI VAMPÜ 13 Bible Online

SHAKEI VAMPÜ 13 - Phom Naga bible

SHAKEI VAMPÜ 13

¹Hapheikü ngei yungching leipü yemha hük vamkei-i ee, hatü büpa kü vaung an hatü shangjing nyet nyuteke, hatü hapalei vaung ieyei kü athen hükbaong thenshi nyu, hatü shangjing ieyei kü Kahvang kü thaüvaüdhemthepü menthü nyuteke.

²Hatü ngei eepü yemhayü shahnyü kei, hapalei layü sheptaolei la kei, hatü hapalei ju mailangei ju kei nyuteke. Dragoni hapa kü büpalei ngan, büpalei ong uoshing hatü wong longpü shuoh.

³Hapalei shangjing hük longi ma yahteke, shejao hapa ma meidai. Kahdoknyü kemei thamaei hapa yemha phei müteke.

⁴Peüi Dragon kü khüm; mehenangkü büpai yemha kü büpalei wong shuoh, hatü jomi yemha kü khümei, “Yemha kei üpa nyüpa, hatü üpai hapa khüei hok-aokhen?” shei eteke.

⁵Hapa yemha kü changmei shah ehen, hatü Kahvang kü thaüvaühen ju shuoh, hatü hapayü len pinyipünyi thahshi wong nohen shuoh.

⁶Hapai Kahvang khüei thaüvaühen, büpalei men, büpa nyushing hatü vangsholei nyupüthü kü thaüvaühen büpalei ju kateke.

⁷Hatü hapa kü daülangpüthü khüei hokhen hatü jom neütükhen ngan shuoh. Hapa kü jat, nanglak, shahlemthü hatü kahmükthü shak kü wong shuohteke.

⁸Kahdoknyü kü nyupü peü, üamei men jütükpü Mi Chehalei yangnyu laitap kü kahdoknyü chongpanghinüng men nyangei nenyu, hathüi hapa kü khümhen.

⁹Banghen dhaong nyupü peüi bangtuh:

¹⁰“Am wüpküpei daihen mü nyujema wüpküpei daituh; üam yani mahhen mü nyu, yani mahtuh.” Hapayü daülangpüthüi munenhen hatü hinglemhen nangkü thongpü nyüke.

¹¹Hapheikü ngei shao kahdok leipü yemha hük miha kü kei vaung nyi kohtü vampü ngei ee hatü Dragoni kei shah eteke.

¹²Hapai shongpü yemhalei men kü wong peü noei dou dük, hatü hapai ma meidaipü shongpü yemha kü kahdoknyü hatü halei nyupüthü peüi khümhü.

¹³Hapai peüi eeshi vangsho leipü aw kahdoknyülei yiühen mü nyangeihepü longpü dükaok;

¹⁴hatü hapa yemhalei men kü nyangeihepü dükpai yani ma yahjao meidaipü yemhalei lajei linghen eyei kahdoknyülei nyupüthü luhahteke;

¹⁵hatü hapa lajei shah eaokhen hatü hapa yemhalei lajei kü nekhümpüthü jühen shingvaishi hapa yemha kü ngü shuohhen mongteke.

¹⁶Hapai longpü maanpü, shemmei taopa, aa hatü bümei peüi lakdah kü nevaijü shangba kü füoshang shünghen nyeanteke.

¹⁷Hapa yemhalei men nevaijü füoshang neshüngpüthüi meheyao bhei neyuaokhen nevaijü neshakaokhen.

¹⁸Hapayü kihikon kohhen thongnyüke: Üpa kü nyingoakhen kon nyu, büpai yemhalei bhei-ie ietuh; mehenangkü hapayü shennyak pahükei bhei-ie. Hapalei bhei-ieyü 666 nyüke.