Read Piratapuyo Apocalipsis 17 Bible Online

Apocalipsis 17 - Piratapuyo bible

Apocalipsis 17

¹Came siete pari cʉoyequina angele mehna cjʉ̃no yʉhʉ cahapʉ wihiro ohõ saha nidi yʉhʉre: —‍Ihñagʉ ahtaya. Peye mári bui dujiricorore ʉmʉa mehna ñano yeducuricorore ña yʉhdʉaro yericorore Cohãcjʉ̃ tiquiro buhiri dahreatire ihñagʉ ahtaya mʉhʉ.

²Ahri yehpa cjẽna pʉhtoa ticoro mehna tiquina ñano yeboro saha ticoro yero saha yeri. Cohãcjʉ̃ ye pehere cahmedari. Ahri yehpa cjẽnare ticoro quehegʉ̃ yeboro saha tiquina mehna ticoro ñano yeboro saha ticoro masare ñañene tutuaro cahmegʉ̃ yeri. Sa yero ñañene yegʉ̃ yeri masare, ni yahuri angel yʉhʉre.

³Tiquiro sa nidi bato Espíritu Santo pehe yʉhʉre ihñori: Angel pehe masa marienopʉ neari yʉhʉre. Topʉ numinore ihñaʉ. Ticoro nʉcʉ cjʉ̃no sohãriquiro bui pesaricoro ijiri. Nʉcʉ cjʉ̃no pehe tiquiro pagʉpʉ peye wame tiquina ojoa ohõnohriquiro ijiri. Ti wame ñañe wame Cohãcjʉ̃ tiquiro ihña yabiye wame ijiri. Sa yero siete dapu paca tiriquiro, diez sahari tiriquiro ijiri nʉcʉ cjʉ̃no.

⁴Sa yero numino pehe quehnoano yahsaye suhti pʉhtoa tiquina sañañe suhti saha ijiyere sañaricoro ijiri. Sohãñe suhti gʉ̃hʉre sañaricoro ijiri. Peye urure, wapa tiye ʉtãre, perla pjeri gʉ̃hʉre ohõri suhtire sañaricoro ijiri ticoro. Sa yero uru pare cʉori ticoro. Ti papʉ pose tiye ñañe ticoro yeri jiri. Ʉmʉa mehna ñano yero, pajiro ñano yeri ticoro. Ti ñañene ihña yabire Cohãcjʉ̃.

⁵Ticoro wʉhdoapʉ ticoro wame tiquina ojoa ohõnohricoro ijiri. Ti wamene quehnoano masiedaja mari. Ti wame queoye mehna buheri wame ijire. Ahri ijire ti wame: “Pajiri maca Babilonia wame tiri maca ijire. Ijipihtiye wʉana tiye dahpoto cjõno, ña yʉhdʉayere yericoro ijire”, ni, ticoro wʉhdoapʉ tiquina ojoa ohõnohricoro ijiri.

⁶Sa yero ticoro peyequina Cohãcjʉ̃ yequinare wejẽdicoro ticoro ijigʉ̃ masii. Queheyere ticoro bucuero saha tiquinare wejẽno, tiquina dii cohãgʉ̃ bucueri ticoro. Jesure tiquina cohãedari buhiri ticoro wejẽdi tiquinare. Ticorore ihñagʉ, ihña maria wahaʉ.

⁷—‍¿Dʉhsegʉ mʉhʉ ihña maria wahajari? nidi angel yʉhʉre. Sa nino yʉhʉre ohõ saha ni nemori: —‍Mʉhʉ masiedarire mʉhʉre yahutja. Numinore mʉhʉre yahutja. Ticoro pesariquiro gʉ̃hʉre yahutja. Tiquiro nʉcʉ cjʉ̃no ijiri. Sa yero siete dapu paca tiriquiro, diez sahari tiriquiro ijiri.

⁸Tiquiro panopʉ ijiriquiro ijiri. Yojopʉre mariedare tiquiro. Came tiquiro ʉhcʉãri copepʉ ijiriquiro wijia tarota. Tiquiro sa wijia tari bato pecapʉ waharota. Ahri yehpa cjẽna tiquirore ihña maria, ño peori tiquirore. Ahri yehpa ijiato pano Cohãcjʉ̃ tiquiro yequina ijiatiquinare sa ijiducuatiquinare tiquina wamene ojoa ohõahye. Tiquiro ojoa ohõnohedariquina ijiri nʉcʉ cjʉ̃nore ño peoyequina. Tiquiro pehe panopʉ ijiri. Yojopʉ pehere mariedare. Camepʉ pari turi bajuarota. Sa ye tiquiro bajuagʉ̃ ihñañe masa tiquirore ihña maria wahaeta.

⁹’Yojopʉre yʉhʉ yahuatire masi duana, quehnoano tʉhonata mʉsa. Sa yena tʉho masina ijiya. Nʉcʉ cjʉ̃no dapu paca siete dapu paca siete cʉnʉ cjʉ ijire, mari queoye mehna buhegʉ̃. Ti cʉnʉ cjʉ buipʉ pesare ticoro ʉmʉa mehna ñano yeducuricoro.

¹⁰Ti dapu paca siete pʉhtoa yero saha ijire, mari queoye mehna buhegʉ̃. Peyequina masa pʉhtoa ijire. Ihcã omopequina pʉhtoare cohã tuhasari. Apequiro tiquina bato ijiriquiro pʉhtoro ijire yojopʉre. Apequiro pehe came pʉhtoro sajãnota. Sa sajãno mehenogã pʉhtoro ijirota tiquiro.

¹¹Sa yero nʉcʉ cjʉ̃no sohãriquiro panopʉ iji mʉhtariquiro, yojopʉre marieniquiro tiquina siete pʉhtoa bato pʉhtoro ijirota. Siete pʉhtoa mehna cjʉ̃no ijire. Came pecapʉ waharota.

¹²’Nʉcʉ cjʉ̃no sahari diez sahari diez pʉhtoa yero saha ijire, mari queoye mehna buhegʉ̃. Peyequina masa pʉhtoa ijire. Tiquina pʉhtoa sajãedare yojopʉ. Camepʉ pʉhtoa sajãñe mehenogã pʉhtoa ijieta. Yoari pje iji dutisi tiquinare. Sa pʉhtoa ijiye nʉcʉ cjʉ̃no mehna pʉhtoa ijieta.

¹³Tiquina diez pʉhtoa ihcãno saha tʉhotuyequina ijire. Sa ijiye tiquina nʉcʉ cjʉ̃nore tiquina ye yehpari cjẽna pʉhtoro sõeta.

¹⁴Sa ye Cordero mehna cahme wejẽeta. Tiquina sa cahme wejẽpegʉ̃ta Cordero tiquiro beseriquina mehna tiquirore ne cohãeñequina mehna tiquinare yʉhdʉdʉcaeta. Tiquiro ijipihtiyequina apequina pʉhtoa bui pʉhtoro ijire. Sa yero tiquinare yʉhdʉdʉcarota, nidi angel yʉhʉre.

¹⁵Ahrire yʉhʉre yahu nemori angel: —‍Ʉmʉa mehna ñano yeducuricoro mári bui dujiri. Ti mári ahri yero saha ijire mari queoye mehna buhegʉ̃: Ijipihtiye yehpari cjẽna, peye cururi cjẽna, peye yahuducuyere yahuducuyequina yero saha ijire ti mári.

¹⁶Nʉcʉ cjʉ̃no, diez pʉhtoa gʉ̃hʉ ʉmʉa mehna ñano yeducuricorore ihña yabieta. Tiquina diez pʉhtoa nʉcʉ cjʉ̃no mehna ticoro yere ehma peho, suhti mariedicoro cohãeta ticorore. Sa ye ticoro pagʉre ihyaeta. Tiquina sa yeri bato ticorore ʉjʉ̃a pehoeta.

¹⁷Tiquina diez pʉhtoa ihcãno saha tʉhotuye, nʉcʉ cjʉ̃nore tiquina ye yehpari cjẽna pʉhtoro sõeta. Tiquinare sa yegʉ̃ yeri Cohãcjʉ̃, tiquiro cahmeno saha yero taro. Sa yero nʉcʉ cjʉ̃no pehe pʉhtoro ijirota. Ijipihtiye Cohãcjʉ̃ panopʉ tiquiro yahuriro sahata tiquiro yeri bato nʉcʉ cjʉ̃nore cohãnota.

¹⁸Ticoro mʉhʉ ihñaricoro mehna ohõ saha ni queoye mehna buhere: Ticoro pajiri maca Babilonia wame tiri maca yero saha ijire. Ijipihtiyequina apequina pʉhtoa bui ijire ti maca cjẽna, nidi angel yʉhʉre.