Read Plautdietsch (Low German) – De Bibel 1. Chronik 4 Bible Online

1. Chronik 4 - Plautdietsch (Low German) – De Bibel bible

1. Chronik 4

¹De Nokomen von Juda wieren: Perez, Hezron, Karmi, Hur un Schobal.

²Reaja, Schobal sien Sän, haud eenen Sän Jahat, un Jahat siene Säns wieren: Ahumai un Lahad. Un von an staumden de Volkjsgruppen von de Zoratita auf.

³De Nokomen von Hur, dee von sienen Sän Etam staumen, wieren: Jesreel, Jischma, Jidbasch; un äare Sesta heet Hazlelponi.

⁴Pnuel wia de Staumvoda von Gedor, un Eser wia de Voda von Huscha. Daut sent de Nokomen von Hur, däm ieeschtjebuarnen Sän von Kaleb siene Fru Efrata, däm Staumvoda von Betlehem.

⁵Aschhur, de Voda von Tekoa, haud twee Frues: Hela un Naara.

⁶Un von Naara worden am dise jebuaren: Ahusam, Hefer, Temni un Ahaschtari. Daut wieren de Säns von Naara.

⁷Un de Säns von Hela wieren: Zeret, Sohar, Etnan un Koz.

⁸Von Koz staumden Anub un Zobeba auf, un uk Aharhel siene Volkjsgruppen, dee Harum sien Sän wia.

⁹Een Maun met Nomen Jabez haud een jratret aunseenen aus siene Breeda. Un siene Mutta nand am Jabez; see säd: Ekj hab am met Weedoag jebuaren.

¹⁰Un Jabez roopt dän Gott en Israel aun un säd: Säajen du mie un doo mien Launtstekj vejratren! Sto mie bie un hool Ojjlekj un Bedrenkjnis von mie wajch! Un Gott jeef am daut, wuarom hee jebät haud.

¹¹Kelub, Schuha sien Brooda, haud eenen Sän Mehir, dän Voda von Eschton.

¹²Un Eschton siene Säns wieren: Bet Rafa, Paseach un Tehinna, dän Staumvoda von de Staut Nahasch. Äare Volkjsgruppen wonden en Recha.

¹³Kenas siene Säns wieren: Otniel un Seraja. Un Otniel siene Säns wieren: Hatat un Meonotai.

¹⁴Un Meonotai haud eenen Sän Ofra. Un Seraja haud eenen Sän Joab, dän Staumvoda von daut Hauntoabeida Tol, wiels see wieren aula Hauntoabeida.

¹⁵Jefune sienen Sän Kaleb siene Säns wieren: Iru, Ela un Naam; Ela sien Sän wia Kenas.

¹⁶Jehalelel siene Säns wieren: Sif, Sifa, Tirja un Asarel.

¹⁷Esra siene Säns wieren: Jeter, Mered, Efer un Jalon. Mered haud eene ägiptische Fru, dee Bitja heet, dän ägiptischen Kjennich siene Dochta; un von dee worden jebuaren: Mirjam, Schamai un Jischbach, dän Staumvoda von Eschtemoa.

¹⁸Un von siene Fru ut Juda worden am jebuaren: Jered, Gedor sien Voda, Heber, Socho sien Voda, un Jekutiel, Sanoach sien Voda.

¹⁹Hodija fried sikj Naham siene Sesta. Un dee äare Nokomen wieren: De Garmita, de Staumvoda von Keila, un Eschtemoa, de Maachatita.

²⁰Schimon siene Säns wieren: Amnon, Rinna, Ben Hanan un Tilon. Jischi sien Sän wia Sohet. Un däm sien Sän heet Ben Sohet.

²¹Juda sienen Sän Schela siene Säns wieren: Er, Lecha sien Voda, un Lada, Marescha sien Voda, un buta däm wieren noch de Volkjsgruppen, dee en Bet Aschbea wonden un feinet Zeich wäwen deeden.

²²Un to Schela siene Nokomen jehieren uk noch: Jokim un de Mana von Koseba, un uk Joasch un Saraf, waut to eene Tiet en Moab rejieeden, un nohäa oba wada trigj no Betlehem kjeemen, soo aus de oole Jeschichten sajen.

²³Äare Nokomen wonden en Netaim un Gedera un oabeiden doa aus Toppstrikja en däm Kjennich siene Woakjstowen.

²⁴Simeon siene Säns wieren: Jemuel, Jamin, Jarib, Serach un Schaul.

²⁵Schaul sien Sän wia Schalum, däm sien Sän wia Mibsam, un Mibsam sien Sän wia Mischma.

²⁶Mischma siene Säns wieren: Hamuel, Sakur un Schimi.

²⁷Un Schimi haud 16 Säns un sas Dajchta; oba siene Breeda hauden nich väl Kjinja, un äa gaunzet Jeschlajchtsrejista vejratad sikj nich soo aus Juda sien Jeschlajchtsrejista deed.

²⁸See bewonden oba Beerscheba, Molada, Hazar Schual,

²⁹Baala, Ezem, Eltolad,

³⁰Betuel, Horma, Ziklag,

³¹Bet Markabot, Hazar Susa, Bet Biri un Schaarajim. Daut wieren äare Städa waut see bewonden, bat David Kjennich wort.

³²Buta däm jehieeden an uk noch dise fief Städa: Etam, Ajin, Rimmon, Tochen un Aschan

³³met aul de Siedlungen toop, dee doa bat aun Baal rieekjten. Dort wonden see, un see hauden äa ieejnet Jeschlajchtsrejista.

³⁴De Leida von äare Volkjsgruppen wieren: Meschobab, Jamlech, Joscha, Amazja sien Sän,

³⁵Joel, Jehu, Joschibja sien Sän, un een Grootsän von Seraja, un een Uagrootsän von Asiel.

³⁶Wieda wieren: Eljoenai, Jaakoba, Jeschohaja, Asaja, Adiel, Jesimiel, Benaja

³⁷un Sisa, dee een Sän von Schifi wia, un Schifi wia een Sän von Alon, un Alon wia een Sän von Jedaja, un Jedaja een Sän von Schimri, dee een Sän von Schemaja wia.

³⁸Dise, waut met Nomen jenant sent, wieren Leida en äare Volkjsgruppen, un äare Volkjsgruppen vebreeden sikj sea.

³⁹Un om niee Weidplaza fa äare Schophäaden to sieekjen, trocken see no de oostne Sied vom Tol, no Gedor opptoo.

⁴⁰Dort fungen see goode sauftje Weid un een Flekj Launt waut väl Rum haud, un uk secha un ruich wia, wiels daut verhäa von Ham siene Nokomen bewont wort.

⁴¹Un en dee Tiet, aus Hiskia Kjennich en Juda wia, kjeemen dise jenande Volkjsgruppen un äwafollen de Nokomen von Ham en äare Zeltloagasch, un uk de Meunita, waut dort wonden. See venichten dee aula un neemen äare Woninjen en, un wonen doa bat däm vondoagschen Dach, wiels doa Weid fa äare Schop wia.

⁴²Eene aundre Grupp ut däm Staum Simeon, bie 500 Mana, trock no daut Boajlaunt Seir. Äare Leida wieren: Pelatja, Nearja, Refaja un Usiel, Jischi sien Sän.

⁴³See schluagen de Amalekita doot, waut äwajebläwen wieren un sikj doahan trigjetrocken hauden, un see muaken sikj doa Tus un wonden doa bat disen Dach.