Read Plautdietsch (Low German) – De Bibel 1. Chronik 6 Bible Online

1. Chronik 6 - Plautdietsch (Low German) – De Bibel bible

1. Chronik 6

¹Levi siene Säns wieren dise: Gerschon, Kehat un Merari.

²Gerschon siene Säns heeten: Libni un Schimi.

³Kehat siene Säns heeten: Amram, Jizhar, Hebron un Usiel.

⁴Un Merari siene Säns heeten: Machli un Muschi. Daut sent de Staumvodasch von de Leviten äare Volkjsgruppen.

⁵Gerschon sien Sän wia Libni, Libni sien Sän wia Jahat, Jahat sien Sän wia Simma.

⁶Simma sien Sän wia Joach, Joach sien Sän wia Ido, Ido sien Sän wia Serach, un Serach sien Sän wia Jeotrai.

⁷Kehat sien Sän wia Aminadab, un däm sien Sän wia Korach, Korach sien Sän wia Asir,

⁸Asir sien Sän wia Elkana, Elkana sien Sän wia Abiasaf, Abiasaf sien Sän wia Asir,

⁹Asir sien Sän wia Tahat, Tahat sien Sän wia Uriel, Uriel sien Sän wia Usija, un Usija sien Sän wia Schaul.

¹⁰Elkana siene Säns wieren: Amasai un Ahimot,

¹¹un däm sien Sän wia Elkana, Elkana sien Sän wia Zuf, Zuf sien Sän wia Nahat,

¹²Nahat sien Sän wia Eliab, Eliab sien Sän wia Jeroham, Jeroham sien Sän wia Elkana, Elkana sien Sän wia Samuel.

¹³Un Samuel siene Säns wieren: Joel, de ieeschtjebuarna Sän, un Abija de tweeda Sän.

¹⁴Merari sien Sän wia Machli, un däm sien Sän wia Libni, Libni sien Sän wia Schimi, Schimi sien Sän wia Usa,

¹⁵Usa sien Sän wia Schima, Schima sien Sän wia Hagija, un Hagija sien Sän wia Asaja.

¹⁶Dit sent dee, dee von David dän Oppdrach kjrieejen aus Kua Sinja en däm HARN sien Hus to deenen, no däm aus de Bundeskjist doa äaren bestendjen Plauz jekjräajen haud.

¹⁷See deenden ver de heilje Woninj, daut Vesaumlungszelt, met sinjen, bat Salomo däm HARN sien Hus en Jerusalem jebut haud. Un see deeden äaren Deenst soo aus an aunjewäsen wia.

¹⁸Dise Leviten, worden met de äwaje Mana ut äare Volkjsgruppen toop, doatoo beroopen. De Leida von de ieeschte Sinjagrupp wia Heman, een Nokomen von Kehat. Hee wia Joel sien Sän, un een Grootsän von Samuel.

¹⁹Wieda wieren siene Vodasch: Elkana, Jeroham, Eliel, Tohu,

²⁰Zuf, Elkana, Mahat, Amasai,

²¹Elkana, Joel, Asarja, Zefanja,

²²Tahat, Asir, Abiasaf, Korach,

²³Jizhar un Kehat, de Sän von Levi, dee een Sän von Israel wia.

²⁴Aun de rajchte Sied von Heman, stunt Asaf een Nokomen von Gerschon, de Leida von de tweede Sinjagrupp. Hee wia Berechja sien Sän un Schima sien Grootsän.

²⁵Wieda wieren siene Vodasch: Michael, Maaseja, Malkija,

²⁶Etni, Serach, Adaja,

²⁷Etan, Simma, Schimi,

²⁸Jahat un Gerschon, dee Levi sien Sän wia.

²⁹Aun de linkje Sied von Heman, stunt Etan, een Nokomen von Merari, un hee wia Leida von de dredde Sinjagrupp. Hee wia Kischi sien Sän, un een Grootsän von Abdi. Wieda wieren siene Vodasch: Maluch,

³⁰Haschabja, Amazja, Hilkija,

³¹Amzi, Bani, Schemer,

³²Machli un Muschi, de Sän von Merari, dee Levi sien Sän wia.

³³Äare Breeda, de aundre Leviten, wieren aunjestalt, daut see dän Deenst aun de Woninj, daut Gotteshus, verechten.

³⁴Aaron un siene Säns wieren veordnet toom Priesta Deenst aum Brauntopfa Aultoa un aum Ruakopfa Aultoa. See sullen to aule Deensten en daut Aulaheilichste deenen om Israel äare Schult ver Gott to veseenen, soo aus Moses, Gott sien Deena, an daut aunjeordnet haud.

³⁵Dit sent de Säns von Aaron, dee siene Nofolja em Priesta Deenst wieren: Aaron sien Sän wia Eleasar, Eleasar sien Sän wia Pinhas, Pinhas sien Sän wia Abischua,

³⁶Abischua sien Sän wia Bukki, Bukki sien Sän wia Usi, Usi sien Sän wia Serachja,

³⁷Serachja sien Sän wia Merajot, Merajot sien Sän wia Amarja, Amarja sien Sän Ahitub,

³⁸Ahitub sien Sän wia Zadok, un däm sien Sän wia Ahimaaz.

³⁹De Wonstäden un Weidflekja fa äare Veehäaden worden de Leviten von de äwaje Stam derch daut Loss toojedeelt. Daut 1. Loss foll opp de Priesta, Aaron siene Nokomen, waut to Kehat siene Nokomen jehieeden.

⁴⁰See kjrieejen en daut Launtstekj von Juda de Staut Hebron met daut Weidlaunt runtom.

⁴¹Oba daut Akalaunt un de Darpa, waut to de Staut jehieeden, jeewen see Kaleb, Jefune sienen Sän.

⁴²Soo jeewen see Aaron siene Säns de Friestäda Hebron un Libna met äa Weidlaunt toop, un uk Jatir un Eschtemoa met äa Weidlaunt toop.

⁴³Holon, Debir,

⁴⁴Aschan un Bet Schemesch met äa Weidlaunt toop.

⁴⁵Un en däm Staum Benjamin kjrieejen see: Geba, Alemet un Anatot met daut Weidlaunt doabie, soo daut dise Gruppen aules toop 13 Städa hauden, met daut Weidlaunt doabie.

⁴⁶Un de aundre Volkjsgruppen von Kehat siene Nokomen kjrieejen derch daut Loss en däm Staum Efraim, en däm Staum Dan un en däm haulwen Staum Manasse tieen Städa jejäft.

⁴⁷De Volkjsgruppen von Gerschon siene Nokomen kjrieejen von de Stam Isachar, Asser, Naftali un von däm Deel von Manasse waut en Baschan wia, 13 Städa jejäft.

⁴⁸De Volkjsgruppen von Merari siene Nokomen kjrieejen derch daut Loss twalf Städa von de Stam: Ruben, Gad, un Sebulon.

⁴⁹De Israeliten jeewen de Leviten de Städa emma met de Weidstapen toop, waut doabie jehieeden.

⁵⁰See kjrieejen uk derch daut Loss de Städa, waut aul erwänt sent, en de Jäajent von de Stam Juda, Simeon un Benjamin.

⁵¹De äwaje Gruppen von Kehat siene Nokomen worden Städa en daut Launtstekj von Efraim jejäft.

⁵²See jeewen Kehat siene Nokomen de Friestäda: Sichem opp daut Boajlaunt en Efraim, Gesser,

⁵³Kibzajim, Bet Horon,

⁵⁴Ajalon un Gat Rimmon, met äa Weidlaunt doabie.

⁵⁵Un doatoo noch ut däm wastnen Deel von Manasse: Aner un Jibleam, met äa Weidlaunt toop.

⁵⁶De Nokomen von Gerschon kjrieejen em oostnen Deel von Manasse: Golan en Baschan, un Aschtarot met äa Weidlaunt toop.

⁵⁷Un en däm Staum Isachar: Kedesch, Daberat,

⁵⁸Ramot un En Ganim, met äa Weidlaunt toop.

⁵⁹En däm Staum Asser kjriejen see: Mischal, Abdon,

⁶⁰Helkat un Rehob met äa Weidlaunt toop.

⁶¹Un en däm Staum Naftali: Kedesch en Galiläa, Hamon un Kirjatajim, met äa Weidlaunt toop.

⁶²De Nokomen von Merari jeewen see en däm Staum Sebulon: Rimmon un Tabor met äa Weidlaunt toop.

⁶³Un aun de oostne Sied vom Jordan jäajen Jericho, en däm Staum Ruben: Bezer, de Staut waut en de Stap licht, un doatoo noch Jahaz,

⁶⁴Kedemot un Mefaat, met äa Weidlaunt toop.

⁶⁵Un en däm Staum Gad: Ramot en Gilead, Mahanajim,

⁶⁶Heschbon un Jaser, met äa Weidlaunt toop.