Read Plautdietsch (Low German) – De Bibel 1. Chronik 7 Bible Online

1. Chronik 7 - Plautdietsch (Low German) – De Bibel bible

1. Chronik 7

¹Isachar siene Säns wieren: Tola, Puwa, Jaschub un Schimron, dise vea.

²Tola siene Säns wieren: Usi, Refaja, Jeriel, Jachmai, Jibsam un Schemuel. See wieren de Leida en äare Volkjsgruppen un stoakje Kjrieja. Tola siene Nokomen talden en David siene Tiet en äa Jeschlajchtsrejista 22.600 Mana.

³Usi sien Sän wia Jisrachja, un däm siene Säns wieren: Michael, Obadja, Joel un Jischija. Dise fief wieren aula Leida en äare Volkjsgruppen.

⁴See hauden sooväl Frues un Kjinja, daut äare Volkjsgruppen en de Loag wieren, 36.000 Mana fa daut Kjrichshäa to stalen.

⁵Un äare Breeda ut de aundre Volkjsgruppen von Isachar wieren aules stoakje Kjrieja. Un aules toop wieren daut 87.000 Mana, waut oppjetieekjent wieren.

⁶Benjamin haud dree Säns: Bela, Becher un Jediael.

⁷Bela siene Säns wieren: Ezbon, Usi, Usiel, Jerimot un Ir. Dise fief wieren de Leida en äare Volkjsgruppen, un see wieren stoakje Kjrieja. Un en daut Rejista von äare Nokomen wieren 22.034 Mana enjeschräwen.

⁸Becher siene Säns wieren: Semira, Joasch, Elieser, Eljoenai, Omri, Jerimot, Abija, Anatot un Alemet.

⁹Em Jeschlajchtsrejista von äare Nokomen wieren, no äare Volkjsgruppen jeordnet, 20.200 Mana, dee toom Kjrich daugden, enjeschräwen.

¹⁰Jediael sien Sän wia Bilhan, un däm siene Säns wieren: Jeusch, Benjamin, Ehud, Kenaana, Setan, Tarsis un Ahischahar.

¹¹Un see wieren Leida en äare Volkjsgruppen un stoakje Kjrieja. Un see kunnen em Kjrich 17.200 Mana fa daut Kjrichshäa stalen.

¹²Ir siene Säns wieren: Huppim un Schuppim. Huschim wia een Sän von Aher.

¹³Naftali siene Säns wieren: Jachzeel, Guni, Jezer un Schillem. Dit wieren aules Nokomen von Naftali siene Mutta Bilha.

¹⁴Manasse un siene Fru hauden eenen Sän, dee heet Asriel. Un siene aramäische Näbenfru brocht am uk noch Machir, däm Voda von Gilead, to Welt.

¹⁵Machir neem eene Sesta von Huppim un Schuppim to Fru, dee heet Maacha. Sien tweeda Sän von de Näbenfru heet Zelofhad, un dee haud bloos Dajchta.

¹⁶Maacha, Machir siene Fru, brocht am twee Säns to Welt. Dän eenen nand see Peresch, un dän aundren Scheresch. Un Scheresch siene Säns wieren: Ulam un Rekem.

¹⁷Ulam sien Sän wia Bedan. Daut sent de Nokomen von Gilead, dee Machir sien Sän un Manasse sien Grootsän wia.

¹⁸Siene Sesta Molechet brocht Ischhod, Abieser un Machla to Welt.

¹⁹Un Schemida siene Säns wieren: Achjan, Sichem, Likhi un Aniam.

²⁰Efraim sien Sän wia Schutelach, un däm sien Sän wia Bered, Bered sien Sän wia Tahat, Tahat sien Sän wia Elada, Elada sien Sän wia Tahat,

²¹Tahat sien Sän wia Sabad. Buta Schutelach haud Efraim noch twee Säns: Eser un Elad. Dise jinjen no Gat, om de Enwona dort äare Veehäaden to bestälen, un worden doabie dootjeschloagen.

²²Un äa Voda Efraim truad eene lange Tiet om an, un sien Frintschoft kjeem no am, om am to treesten.

²³Oba no dise truaje Tiet hauden hee un siene Fru noch eenen Sän, un däm nand hee Beria, wiels dee en dise Ojjlekjstiet en siene Famielje jebuaren wort.

²⁴Efraim siene Dochta wia Scheera, dee leet daut unjaschte uk daut bowaschte Bet Horon un Usen Scheera oppbuen.

²⁵Siene Säns wieren: Refach un Reschef. Reschef haud eenen Sän, dee heet Telach; un däm sien Sän wia Tahan,

²⁶Tahan sien Sän wia Ladan, Ladan sien Sän wia Amihud, Amihud sien Sän wia Elischama,

²⁷Elischama sien Sän wia Nun, un Nun sien Sän wia Josua.

²⁸Un äa Launt un äare Wonstäden wieren: Betel met de Darpa waut doatoo jehieeden, nom Oosten han wia Naara, un nom Wasten wia Gesser met aule Darpa doabie, un nom Nuaden rieekjt daut bat Sichem un Aja, un aule Darpa waut doatoo jehieeden.

²⁹Un biesied an wonden de Nokomen von Manasse. Un dee äare Siedlungen wieren: Bet Schean met de Darpa doatoo, Taanach met de Darpa doatoo, Megiddo met aul de Darpa doatoo, un Dor met de Darpa waut doatoo jehieeden. Aul dise Siedlungen worden von de Nokomen von Israel sienen Sän, Manasse, bewond.

³⁰De Säns von Asser wieren: Jimna, Jischwa, Jischwi un Beria; un äare Sesta wia Serach.

³¹Beria siene Säns wieren: Heber un Malkiel. Dit wia de Staumvoda von Birsajit.

³²Heber siene Säns wieren: Jaflet, Schemer un Hotam, un siene Dochta wia Schua.

³³Jaflet siene Säns wieren: Pasach, Bimhal un Aschwat.

³⁴Schemer siene Säns wieren: Ahi, Hubba un Aram.

³⁵Un de Säns von sienen Brooda Hotam wieren: Zofach, Jimna, Schelesch un Amal.

³⁶Zofach siene Säns wieren: Suach, Harnefer, Schual, Beria, Jimra,

³⁷Bezer, Hod, Schama, Schilscha, Jitran un Beera.

³⁸Jeter siene Säns wieren: Jefune, Pispa un Ara.

³⁹Ulla siene Säns wieren: Arach, Haniel un Rizja.

⁴⁰Dit wieren aules von Asser siene Nokomen; see wieren utjeläsde Leida en äare Volkjsgruppen, un stoakje Kjrieja. Un en de List von de kjrichsfäje Mana wieren von Asser siene Nokomen 26.000 Mana enjeschräwen.