Read Plautdietsch (Low German) – De Bibel Esra 10 Bible Online

Esra 10 - Plautdietsch (Low German) – De Bibel bible

Esra 10

¹Aus Esra doa ver daut Gotteshus opp siene Kjneeen lach un met Tronen bäden un bekjanen deed, saumeld sikj eene groote Vesaumlunk von Mana, Frues un Kjinja, ut Israel rom am; un daut Volkj hield sea.

²Un Schechanja, Jehiel sien Sän von Elam siene Nokomen, säd to Esra: Wie sent ontru jeworden, aus wie ons framde Frues von de Velkja em Launt neemen. Oba doa es trotzdäm noch Hopninj fa Israel!

³Wie motten nu met onsen Gott eenen Bunt schluten un vespräakjen, daut wie aule framde Frues un de Kjinja, dee von an jebuaren sent, wajchschekjen, soo aus du, un dee, dee onsen Gott siene Jebooten ferchten, ons jerot haben.

⁴Doawäajen sto nu opp! Daut es aun die to haundlen, un wie stonen doahinja. Nemm dienen Moot toop un doo daut!

⁵Dan stunt Esra opp un leet de väaschte Priesta, de Leviten un gaunz Israel, schwieren, daut see no dise Wieed haundlen sullen. Un see schwuaren daut.

⁶Un dan jinkj Esra wajch von däm Plauz ver daut Gotteshus un jinkj en Johanan, Eljaschib sienen Sän, siene Stow nenn. Doa bleef hee äwa Nacht, un eet kjeen Broot un drunk kjeen Wota, wiels am daut leet deed om dee äa ontruet, waut ut de Jefangenschoft jekomen wieren.

⁷Un see leeten fa aulem en Juda un Jerusalem bekauntmoaken, daut dee waut ut de Jefangenschoft jekomen wieren sikj en Jerusalem vesaumlen sullen.

⁸Un wäa von dee, dee ut de Jefangenschoft jekomen sent, nich en dree Doag kjemt, woat no däm Beschluss von de väaschte Mana un de Leida, ut de Vesaumlunk utjeschloten woaren, un sien Kaptol saul unja dän Baun jestalt.

⁹Dan vesaumelden sikj aule Mana von Juda un Benjamin aum dredden Dach en Jerusalem. Daut wia aum 20. Dach en de 9. Moonat. Un daut Volkj saut aula opp däm Plauz ver daut Gotteshus, un zettad wäajen de Sach, uk wäajen dän streemenden Räajen.

¹⁰Dan stunt de Priesta Esra opp un säd to an: Jie sent däm HARN ontru jeworden, aus jie junt met framde Frues befrieden un haben Israel äare Veschuldjunk vejratat.

¹¹Nu doot däm HARN, june Vodasch äaren Gott, dee bekjanen, un haundelt no sienen Wellen un trant junt von de Enwona em Launt un von de framde Frues!

¹²Dan auntwuad de gaunze Vesaumlunk un roopt lud: Daut saul soo passieren, aus du jesajcht hast!

¹³Oba hia es väl Volkj, un daut räajent; hia jeit nich buten to stonen. Un daut es uk nich en eent ooda twee Doag jedonen, wiels en dise Sach haben väle jesindicht.

¹⁴Onse väaschte Mana sellen hia bliewen un de gaunze Vesaumlunk väastonen. Dan sellen aul dee, dee sikj en onse Städa framde Frues jefriet haben, to eene bestemde Tiet met Leida un Rechta toop von äare Staut häa komen, bat ons Gott sienen Oaja wäajen dise Sach von ons wajchdreit.

¹⁵Bloos, Jonatan, Asael sien Sän, un Jachseja, Tikwa sien Sän, stalden sikj jäajenaun, un Meschullam un de Levit Schabetai unjastetten an.

¹⁶Oba dee waut ut de Jefangenschoft jekomen wieren, haundelden soo, aus see vesproaken hauden. Un de Priesta Esra wäld sikj Mana, waut Leida en äare Volkjsgruppen wieren, aula met Nomen jenant, un see kjeemen aum 1. Dach en de 10. Moonat toop, om dise Sach to unjasieekjen.

¹⁷Un see brochten daut bie aule Mana, waut framde Frues hauden, bat däm 1. Dach en de 1. Moonat toom Aufschluss.

¹⁸Un mank de Priesta worden dise jefungen, waut sikj framde Frues jefriet hauden: Bie Jeschua siene Säns, dee een Sän von Jozadak wia, un siene Breeda: Maaseja, Elieser, Jarib un Gedalja.

¹⁹Un see jeewen äare Haunt doaropp, daut see äare Frues wajchschekjen un eenen Schopsbock aus Schultopfa jäwen wullen.

²⁰Bie Immer siene Nokomen wieren: Hanani un Sebadja.

²¹Bie Harim siene Nokomen wieren: Maaseja, Elia, Schemaja, Jehiel un Usija.

²²Bie Paschhur siene Nokomen wieren: Eljoenai, Maaseja, Jischmael, Netanel, Josabad un Elasa.

²³Mank de Leviten wieren: Josabad, Schimi, Kelaja, dee uk Kelita jenant woat, Petachja, Juda un Elieser.

²⁴Mank de Sinja wia: Eljaschib; un mank de Puatenwajchta: Schalum, Telem un Uri.

²⁵Un mank de äwaje Israeliten wieren bie Parosch siene Nokomen: Ramja, Jisija, Malkija, Mijamin, Eleasar, Haschabja un Benaja.

²⁶Un bie Elam siene Nokomen: Matanja, Secharja, Jehiel, Abdi, Jeremot un Elia.

²⁷Bie Satu siene Nokomen: Eljoenai, Eljaschib, Matanja, Jeremot, Sabad un Asisa.

²⁸Bie Bebai siene Nokomen: Johanan, Hananja, Sabai un Atlai.

²⁹Bie Bani siene Nokomen: Meschullam, Maluch, Adaja, Jaschub, Scheal un Jeremot.

³⁰Bie Pahat Moab siene Nokomen: Adna, Kelal, Benaja, Maaseja, Matanja, Bezalel, Binnui un Manasse.

³¹Bie Harim siene Nokomen: Elieser, Jischija, Malkija, Schemaja, Simeon,

³²Benjamin, Maluch un Schemarja.

³³Bie Haschum siene Nokomen: Matenai, Matata, Sabad, Elifelet, Jeremai, Manasse un Schimi.

³⁴Bie Bigwai siene Nokomen: Maadai, Amram, Uel,

³⁵Benaja, Bedja, Keluhi,

³⁶Wanja, Meremot, Eljaschib,

³⁷Matanja, Matenai un Jaasai.

³⁸Bie Binnui siene Nokomen: Schimi,

³⁹Schelemja, Natan, Adaja,

⁴⁰Machnadbai, Schaschai, Scharai.

⁴¹Asarel, Schelemja, Schemarja,

⁴²Schalum, Amarja un Josef.

⁴³Bie Nebo siene Nokomen: Jeiel, Matitja, Sabad, Sebina, Jadai, Joel un Benaja.

⁴⁴Dise hauden sikj aula framde Frues jefriet. Un eenje von de Frues hauden Kjinja to Welt jebrocht.