Read Plautdietsch (Low German) – De Bibel Nehemia 12 Bible Online

Nehemia 12 - Plautdietsch (Low German) – De Bibel bible

Nehemia 12

¹Dit sent de Priesta un Leviten, waut met Schealtiel sienen Sän Serubabel, un Jeschua toop ut de Jefangenschoft trigjetrocken wieren: Seraja, Jirmeja, Esra,

²Amarja, Maluch, Hatusch,

³Schechanja, Rehum, Meremot,

⁴Ido, Ginneton, Abija,

⁵Mijamin, Maadja, Bilga,

⁶Schemaja, Jojarib, Jedaja,

⁷Salu, Amok, Hilkija un Jedaja. Dit wieren de leidende Mana von de Priesta un äare Breeda en Jeschua siene Aumtstiet.

⁸De Leviten oba wieren dise: Jeschua, Binnui, Kadmiel, Scherebja, Juda un Matanja; dise wieren fa daut sinjen von Dankleeda aunjestalt.

⁹Oba Bakbukja un Unni, un äare Breeda stunden an jäajenäwa em Deenst biem sinjen.

¹⁰Jeschua haud eenen Sän Jojakim, Jojakim haud eenen Sän Eljaschib, Eljaschib haud eenen Sän Jojada,

¹¹Jojada haud eenen Sän Johanan, Johanan haud eenen Sän Jadua.

¹²To Jojakim siene Tiet wieren dit de Leida von de Priesta äare Volkjsgruppen. Von Seraja siene Grupp: Meraja; von Jirmeja siene: Hananja;

¹³von Esra siene: Meschullam; von Amarja siene: Johanan;

¹⁴von Maluch siene: Jonatan; von Schebanja siene: Josef;

¹⁵von Harim siene: Adna; von Meremot siene: Helkai;

¹⁶von Ido siene: Sacharja; von Ginneton siene: Meschullam;

¹⁷von Abija siene: Sichri; von Mijamin siene: ...; von Maadja siene: Piltai;

¹⁸von Bilga siene: Schamua; von Schemaja siene: Jonatan;

¹⁹von Jojarib siene: Matenai; von Jedaja siene: Usi;

²⁰von Salu siene: Kalai; von Amok siene: Eber;

²¹von Hilkija siene: Haschabja; un von Jedaja siene: Netanel.

²²Un en de Tiet von Eljaschib, wieren aus Gruppenleida von de Leviten un Priesta oppjetieekjent: Jojada, Johanan un Jadua bat de Rejierungstiet von däm persischen Kjennich Darius.

²³De Gruppenleida von de Leviten worden bat Johanan, Eljaschib sienen Sän, siene Aumtstiet, en eene Chronik oppjetieekjent.

²⁴Un dit wieren de Gruppenleida von de Leviten: Haschabja, Scherebja un Jeschua, Kadmiel sien Sän. Un de Aufdeelungen stunden eene jäajenäwa von de aundre, om to lowen un to danken, soo aus David, de Gottesmaun, daut aunjeordnet haud.

²⁵Un dit wieren: Matanja, Bakbukja un Obadja. Oba Meschullam, Talmon un Akub wieren Puatenwajchta; see bewoakten de Puaten aun de Väarotshiesa biem Tempel.

²⁶Dise läwden en de Aumtstiet von däm Priesta Jojakim, dee Jeschua sien Sän un Jozadak sien Grootsän wia, en de Tiet von Nehemia, däm Vewaulta, un Esra, däm Priesta un Schreftjelieeden.

²⁷To de Enweiunk von de Mia rom Jerusalem worden aule Leviten ut daut gaunze Launt no Jerusalem jeholt, om de Enweiunk met Freid to fieren, met danken un sinjen, met Zimbeln, Zitta un Hoapen.

²⁸Un doa vesaumelden sikj de Sinja ut de Darpa rom Jerusalem, un uk von de Siedlungen bie Netofa

²⁹un Bet Gilgal un ut de Jäajent von Geba un Bet Asmawet. Wiels de Sinja hauden sikj dort runt om Jerusalem Wonstäden jebut.

³⁰Un de Priesta un Leviten reinjden sikj un reinjden daut Volkj, de Puaten un de Mia.

³¹Un ekj leet de väaschte Mana von Juda oppe Mia noppstieen un stald twee groote Gruppen opp om Dankleeda to sinjen. Dee eene jinkj no de rajchte Sied bowen oppe Mia nom Mestpuat opptoo,

³²un an hinjaraun jinjen Hoschaja un de Halft von de väaschte Mana von Juda.

³³Un Asarja, Esra, Meschullam,

³⁴Juda, Benjamin, Schemaja un Jirmeja.

³⁵Un eenje von de Priesta met Trompeeten, Serachja, Jonatan sien Sän, dee Schemaja sien Sän wia, un Schemaja wia Matanja sien Sän, Matanja wia Michaja sien Sän, Michaja wia Sakur sien Sän, un Sakur wia Asaf sien Sän.

³⁶Un siene Breeda, Schemaja, Asarel, Milalai, Gilalai, Maai, Netanel, Juda un Hanani, met Seidenspell. Soo aus David, de Gottesmaun jespält haud. Oba Esra, de Schreftjelieeda, jinkj veropp.

³⁷Un see jinjen nom Kjwalpuat opptoo un stieejen dan jlikj de Stoopen no de Davidstaut nopp, wua de Mia bie daut Hus Davids vebie no daut Wotapuat em Oosten jinkj.

³⁸Un de tweede Grupp toom Dankleeda sinjen jinkj no de linkje Sied, un ekj jinkj met de aundre Halft von de väaschte Mana an bowen oppe Mia hinjaraun. Wie jinjen en de aundre Rechtunk biem Owentorm vebie bat aun de breede Mia,

³⁹un äwa daut Efraimpuat, daut oole Puat, daut Feschpuat un wieda aun däm Hananel Torm un dän Hundat Torm vebie no daut Schopspuat, un biem Wotapuat bleewen see stonen.

⁴⁰Un de beid Sinjagruppen stalden sikj opp em Väahoff biem Tempel, un ekj un de Halft von de väaschte Mana met mie toop,

⁴¹un de Priesta Eljakim, Maaseja, Mijamin, Michaja, Eljoenai, Secharja un Hananja met Trompeeten,

⁴²un Maaseja, Schemaja, Eleasar, Usi, Johanan, Malkija, Elam, un Eser. Un de Sinja sungen lud, un Jisrachja leid an aun.

⁴³Un doa worden aun däm Dach groote Opfa jebrocht. Un see wieren aula froo, wiels Gott haud an eene groote Freid jemoakt, soo daut sikj uk de Frues un Kjinja freiden, un de Freid en Jerusalem wia von wiet auf to hieren.

⁴⁴To dee Tiet worden Mana aunjestalt äwa de Väarotstowen, wua aul de Väarot bennen jeloagat wort, de Aufgowen, daut ieeschte Poat von de Arnt, un daut tieende Deel von aulet Enkomen. Von aules, waut oppe Akaflekja rom de Städa jearnt wort, sull no daut Jesaz no fa de Priesta un Leviten äa Deel en de Väarotstowen jebrocht woaren, wiels daut Volkj von Juda haud äare Freid aun de Priesta un Leviten, waut em Deenst stunden.

⁴⁵Un see verechten dän Gottesdeenst uk dän Reinjungsdeenst. Un uk de Sinja un Puatenwajchta deeden äaren Deenst no de Aunordnunk von David un sienen Sän Salomo.

⁴⁶En David un Asaf äare Tiet worden aul Jesankleida aunjestalt, om Gott to lowen un to danken.

⁴⁷Un en Serubabel siene Tiet uk en Nehemia siene Tiet jeef gaunz Israel de Sinja un Puatenwajchta Dach fa Dach äaren Deel von de heilje Gowen. De Israeliten jeewen de Leviten de jeweide Gowen, un de Leviten jeewen von daut dän väajeschräwnen Deel aun Aaron siene Nokomen.