Read Plautdietsch (Low German) – De Bibel Nehemia 7 Bible Online

Nehemia 7 - Plautdietsch (Low German) – De Bibel bible

Nehemia 7

¹Aus wie de Mia foadich jebut hauden, honk ekj de Puaten en, un de Puatenwajchta, de Sinja un de Leviten worden enjesat.

²Un ekj stald mienen Brooda Hanani, un Hananja däm väaschten äwa de vesechade Städ, waut een gottesferchtja Maun wia un vetruen haud, äwa Jerusalem aun.

³Un ekj säd to an: Jie sellen de Puaten von Jerusalem nich opmoaken, ea de Sonn woam schienen deit. Un jie sellen de Puaten wada toomoaken un veräajlen, wan de Sonn noch huach aum Himmel steit. Un jie sellen von de Birja en Jerusalem Wajchta aunstalen. Een Deel saul de jefäadelje Städen besaten, un de aundre sellen jäajen äare Hiesa woaken.

⁴De Staut oba wia groot un haud väl Rum, oba weinich Enwona doabennen, un de Hiesa wieren noch nich wada oppjebut.

⁵Un mien Gott jeef mie de Jedanken en, de aunjeseene Lied un de Rotsharen un daut gaunze Volkj tooptoroopen, om dee no äa Jeschlajchtsrejista entoschriewen. Ekj funk bie dise Jeläajenheit daut Rejista von dee, dee daut ieeschte trigjekomen wieren, un funk doabennen jeschräwen:

⁶Dit sent de Lied von de Launtschoft Juda, waut ut de Jefangenschoft häajetrocken sent, waut Nebukadnezar, de Kjennich von Babel, wajchjefieet haud un wada trigj no Juda un Jerusalem kjeemen, een jiedra no siene Staut.

⁷See kjeemen met, met Serubabel, Jeschua, Nehemja, Asarja, Raamja, Nahamani, Mordochai, Bilschan, Misperet, Bigwai, Rehum un Baana. Un dit es de Zol von de Mana vom Volkj Israel:

⁸Parosch siene Nokomen 2.172.

⁹Schefatja siene Nokomen 372.

¹⁰Arach siene Nokomen 652.

¹¹Pahat Moab siene Nokomen, de Säns von Jeschua un Joab, 2.818.

¹²Elam siene Nokomen 1.254.

¹³Satu siene Nokomen 845.

¹⁴Sakai siene Nokomen 760.

¹⁵Binnui siene Nokomen 648.

¹⁶Bebai siene Nokomen 628.

¹⁷Asgad siene Nokomen 2.322.

¹⁸Adonikam siene Nokomen 667.

¹⁹Bigwai siene Nokomen 2.067.

²⁰Adin siene Nokomen 655.

²¹Ater siene Nokomen, de Säns von Hiskija 98.

²²Haschum siene Nokomen 328.

²³Bezai siene Nokomen 324.

²⁴Harif siene Nokomen 112.

²⁵De Mana von Gibeon 95.

²⁶De Mana von Betlehem un Netofa 188.

²⁷De Mana von Anatot 128.

²⁸De Mana von Bet Asmawet 42.

²⁹De Mana von Kirjat Jearim, Kefira un Beerot 743.

³⁰De Mana von Rama un Geba 621.

³¹De Mana von Michmas 122.

³²De Mana von Betel un Ai 123.

³³De Nokomen von däm aundren Nebo 52.

³⁴De Nokomen von däm aundren Elam 1.254.

³⁵De Nokomen von Harim 320.

³⁶De Mana von Jericho 345.

³⁷De Mana von Lod, Hadid un Ono 721.

³⁸Un de Nokomen von Senaa 3.930.

³⁹De Priesta: Jedaja siene Nokomen, ut Jeschua siene Famielje, 973.

⁴⁰Von Immer siene Nokomen 1.052.

⁴¹Von Paschhur siene Nokomen 1.247.

⁴²Un von Harim siene Nokomen 1.017.

⁴³De Leviten: Jeschua siene Nokomen, de Säns von Kadmiel, Binnui un Hodawja, 74.

⁴⁴De Sinja: Von Asaf siene Nokomen 148.

⁴⁵De Puatenwajchta: Von Schalum siene Nokomen, de Säns von Ater, Talmon, Akub, Hatita un Schobai, aules toop 138.

⁴⁶De Tempeldeena: De Nokomen von Ziha, Hasufa, Tabaot,

⁴⁷Keros, Sia, Padon,

⁴⁸Lebana, Hagaba, Salmai,

⁴⁹Hanan, Giddel, Gahar,

⁵⁰Reaja, Rezin, Nekoda,

⁵¹Gasam, Usa, Paseach,

⁵²un Besai. Un de Säns von de Meunita un Nefusita.

⁵³Un de Nokomen von Bakbuck, Hakufa, Harhur,

⁵⁴Bazlut, Mehida, Harscha,

⁵⁵Barkos, Sisera, Temach,

⁵⁶Neziach un Hatifa.

⁵⁷De Nokomen von Salomo siene Sklowen: De Nokomen von Sotai, Soferet, Peruda,

⁵⁸Jaala, Darkon, Giddel,

⁵⁹Schefatja, Hatil, Pocheret Zebajim un Amon.

⁶⁰Aul de Nokomen von de Tempeldeena un Salomo siene Sklowen wieren 392.

⁶¹Un dit sent de Lied, waut uk met hiahan trocken von Tel Melach, Tel Harscha, Kerub Adon un Immer, waut oba nich oppwiesen kunnen, auf äare Gruppen un dee äare Nokomen ut Israel staumden:

⁶²De Nokomen von Delaja, Tobija un Nekoda 642.

⁶³Un von de Priesta: de Nokomen von Habaja, Hakoz un Barsillai, dee äa Staumvoda eene Dochta von däm Gileadita Barsillai to Fru jenomen haud un no däm siene Nomen jenant wort.

⁶⁴Dise sochten no äa Jeschlajchtsrejista, un aus see daut nich fungen, worden see von däm Priestadeenst utjeschloten.

⁶⁵Un de Vewaulta veboot an, von de heilje Gowen to äten, bat een Priesta fa de heilje Lessa “Urim un Tummim” oppträden deed.

⁶⁶De gaunze Vesaumlunk tald aules toop 42.360,

⁶⁷buta äare Sklowen un Sklowinnen; daut wieren 7.337, un doatoo noch 245 Mana un Frues waut Sinja wieren.

⁶⁸Un see hauden 736 Pieed, 245 Mulasch, 435 Kameelen un 6.720 Äsels.

⁶⁹Un eenje Leida von de Volkjsgruppen jeewen waut fa dän Bu. De Vewaulta jeef to daut Kaptol 1.000 Golt Stekja, 50 Opfakommen un 530 Priestakjleeda.

⁷⁰Un eenje Leida von de Volkjsgruppen jeewen to daut Woakj 20.000 Golt Stekja, un 2.200 Punt Selwa.

⁷¹Un daut äwaje Volkj jeef 20.000 Golt Stekja un 2.000 Punt Selwa un 67 Priestakjleeda.

⁷²Un de Priesta un de Leviten, de Puatenwajchta, de Sinja un eenje aundre Lied un de Tempeldeena un gaunz Israel siedelden en äare Städa aun. <h>Esra moakt daut Volkj met Gott sien Jesaz bekaunt</h> Aus de säwende Moonat jekomen wia un de Israeliten en äare Städa wieren,