Read Plautdietsch (Low German) – De Bibel Psalmen 101 Bible Online

Psalmen 101 - Plautdietsch (Low German) – De Bibel bible

Psalmen 101

¹Een Psalm von David. Ekj well von diene truhoatje Leew un dien rajcht sinjen, oo HAR, ekj woa die met Leeda lowen.

²Ekj woa väasechtich un oschuldich läwen. Wanea woascht du no mie komen? Ekj woa en mien Hus von Hoaten opprechtich waundlen.

³Ekj näm mie nuscht beeset väa. Ekj kaun de Woakjen von dee, dee doa auffaulen, nich lieden, un mie sellen dee nich aunhenjen.

⁴Wäa een vekjieedet Hoat haft, saul von mie wiet auf bliewen; ekj well met daut beese nuscht to doonen haben.

⁵Wäa sienen Noba heemlich schwoat moakt, dän woa ekj äwatsied schaufen. Wäa huachnäsich kjikjt un em Hoat stolt es, dän kaun ekj nich vedroagen.

⁶Ekj woa no dee, dee em Launt tru sent, oppaussen, daut dee bie mie wonen kjennen; wäa oschuldich waundelt, saul mie deenen.

⁷Onopprechtje Lied hool ekj nich em Hus; Läajna kjennen ver mie nich bestonen.

⁸Ekj woa aule Morjen aule gottloose em Launt äwatsied brinjen, daut ekj aule schlajchte von em HARN siene Staut utrod.