Read Plautdietsch (Low German) – De Bibel Psalmen 111 Bible Online

Psalmen 111 - Plautdietsch (Low German) – De Bibel bible

Psalmen 111

¹Haleluja! Ekj woa dän HARN en de Vesaumlunk von de Opprechtje un en de Jemeent von gaunzem Hoaten danken.

²Groot sent däm HARN siene Woakjen; dee woaren von aulem bewundat, dee eene Freid doaraun haben.

³Siene Woakjen sent harlich un wiet bekaunt, un hee blift opp emma jerajcht.

⁴Hee haft Uasoak jejäft aun siene Wunda to denkjen; de HAR es jnodenvoll un metliedent.

⁵Hee jeft dee to äten, dee am ferchten. Hee woat emma aun sienen Bunt denkjen.

⁶Hee haft sien Volkj siene jewaultje Woakjen doarenn seenen loten, daut hee an aundre Velkja äare Lenda jeef.

⁷De Woakjen, dee siene Henj jedonen haben, sent woarhauftich un jerajcht; opp siene Väaschreften es to veloten;

⁸dee woaren emma un eewich fauststonen; dee sent tru un opprechtich jejäft worden.

⁹Hee sorcht fa eene Radunk fa sien Volkj un vespruak daut sien Bunt eewich bliewen wudd. Heilich un jewaultich es sien Nomen.

¹⁰Weisheit kjemt derch Gottesforcht; wäa vestendich es, helt sikj aun siene Jebooten. Hee saul eewich jeloft woaren.