Read Plautdietsch (Low German) – De Bibel Psalmen 112 Bible Online

Psalmen 112 - Plautdietsch (Low German) – De Bibel bible

Psalmen 112

¹Jesäajent es dee Maun, dee dän HARN fercht, dee eene groote Freid aun siene Jebooten haft.

²Dee woat jewaultje Nokomen em Launt haben; dän opprechtjen Maun siene Nokomen woaren jesäajent sennen.

³Dee han daut em Hus rikj un äwa rikj, un siene Jerajchtichkjeit haft kjeen Enj.

⁴Fa dän Opprechtjen woat daut soogoa em diestren dach; hee es leeftolich, metliedent un jerajcht.

⁵Wäa metliedent es un jieren utliet, un en siene Haundlungen opprechtich es, woat daut goot haben.

⁶Dee saul emma fauststonen; de jerajchte woaren niemols vejäten woaren.

⁷Hee fercht kjeene schlajchte Norecht; sien Hoat es truhoatich un velat sikj opp däm HARN.

⁸Sien Hoat es jetroost un fercht sikj nich, wiels entlich woat hee äwa siene Fiend jewennen.

⁹Hee haft de oame rikjlich jejäft; siene Jerajchtichkjeit haft kjeen Enj; siene Krauft woat jeieet woaren.

¹⁰De gottloosa woat daut seenen un em Oaja met de Tänen kjnirschen un vegonen. Waut de gottloose jieren wullen, es to nuscht jeworden.