Read Plautdietsch (Low German) – De Bibel Psalmen 114 Bible Online

Psalmen 114 - Plautdietsch (Low German) – De Bibel bible

Psalmen 114

¹Aus Israel ut Ägipten trock, Jakob siene Famielje ut een Volkj met eene framde Sproak,

²wort Juda Gott sien heiljet Volkj un Israel sien Kjennichrikj.

³Daut Mäa sach daut un brocht sikj wajch. De Jordan Riefa rand trigjaun.

⁴De Boaj sprungen soo aus de Bakj, de Humpels soo aus Lama.

⁵Waut fäld die, du Mäa, daut du die wajch brochst, un met die, Jordan, daut du trigjaun ransd?

⁶Un jie Boaj, daut jie sprungen soo aus de Bakj, jie Humpels, soo aus Lama?

⁷Un du, Ieed, schedda die ver däm Harn, en Jakob sien Gott siene Jäajenwuat,

⁸dee ut dän Steen een Wotapuddel muak, un ut dän hoaden Steen Wotakjwalen.