Read Plautdietsch (Low German) – De Bibel Psalmen 12 Bible Online

Psalmen 12 - Plautdietsch (Low German) – De Bibel bible

Psalmen 12

¹Eent von David siene Psalmen, väatosinjen opp acht Seiden.

²Halp, HAR! De heilje sent weinja jeworden. Opprechtje Menschen woaren emma weinja.

³Waut see räden unjarenaunda sent Läajes; see räden met schmeichelnde Leppen, oba mau de haulwe Woarheit.

⁴Mucht de HAR een Enj moaken met aul daut Jeheichel, un met aule Tungen, dee doa stolt räden

⁵un sajen: Onse Tung saul de Äwahaunt hoolen; wie ieejnen onse Leppen. Wäa es Har äwa ons?

⁶Wiels de schwake unjadrekjt woaren un de oame stänen, woa ekj mie äwahäa moaken, sajcht de HAR, un an en äa velangen no Sechaheit, Help veschaufen.

⁷Waut de HAR jerät haft, es soo rein aus Selwa daut säwen mol derch däm Leemtieejel Owen jeschekjt es.

⁸Oo HAR, du woascht ons secha hoolen un emma fa soon Volkj bewoaren!

⁹Daut woat aulemol voll gottloose, wua soon Volkj, daut nuscht daucht, äwa de Menschen rejieren.