Read Plautdietsch (Low German) – De Bibel Psalmen 121 Bible Online

Psalmen 121 - Plautdietsch (Low German) – De Bibel bible

Psalmen 121

¹Een Leet opp de Reis no Jerusalem to sinjen. Ekj häw miene Uagen opp un kjikj no de Boaj. Von wua kjemt miene Help?

²Miene Help kjemt vom HARN, dee Himmel un Ieed jemoakt haft.

³Hee woat dien Foot nich jleppen loten; hee, dee äwa die woakt, woat nich schlopen.

⁴Bestemt woat hee, dee äwa Israel woakt, nich schleeprich un woat uk nich schlopen.

⁵De HAR woakt äwa die; de HAR woakt äwa die un helt die bie sikj em Schauten.

⁶De Sonn woat die äwadach nich stäakjen, un de Mon uk nich de Nacht.

⁷De HAR woat die fa aulet beese bewoaren; hee woat äwa diene Seel woaken.

⁸De HAR woat äwa die woaken wan du rut jeist uk wan du nenn kjemst, von nu aun un uk opp emma.