Read Plautdietsch (Low German) – De Bibel Psalmen 122 Bible Online

Psalmen 122 - Plautdietsch (Low German) – De Bibel bible

Psalmen 122

¹Een Leet von David, opp de Reis no Jerusalem to sinjen. Ekj freid mie met dee, dee doa säden: Well wie nom Gotteshus gonen!

²Onse Feet stonen en diene Puaten, oo Jerusalem.

³Jerusalem es doatoo jebut, daut et eene Staut es, wua Menschen toopkomen sellen.

⁴Daut es wua dän HARN siene Stam han gonen, dän HARN sienen Nomen to lowen, soo aus Israel väajeschräwen wia.

⁵Wiels doa stonen de Troonen, Jerecht to hoolen, de Troonen dee ut David siene Famielje komen.

⁶Bät daut Jerusalem mucht Fräd haben. Mucht daut et dee goot gonen wudd, dee die goot sent.

⁷Mucht doa Fräd sennen tweschen diene Wenj, un daut et en diene Paulausten jlekjlich toojeit.

⁸Om miene Breeda un Frind äat haulwen saj ekj: Ekj well die Fräd wenschen.

⁹Om dän HARN onsen Gott sien Hus sient haulwen, well ekj dien bastet sieekjen.