Read Plautdietsch (Low German) – De Bibel Psalmen 124 Bible Online

Psalmen 124 - Plautdietsch (Low German) – De Bibel bible

Psalmen 124

¹Een Leet von David, opp de Reis no Jerusalem to sinjen. Wan de HAR nich met ons jewast wia, soo saul Israel sajen,

²wan de HAR nich met ons jewast wia, aus Menschen ons aunjreepen,

³aus äa Oaja jäajen ons oppflaumd, dan hauden dee ons läwendich oppjeschlukt.

⁴Wie wudden en daut toobende Wota vedrunken sennen, un de jefäadelja Stroom wudd ons äwa de Seel jegonen sennen.

⁵Daut rietende Wota wudd ons wajch jeräten haben.

⁶Wie lowen Gott, dee ons nich hanjeef, daut see ons kunnen tweschen äare Tänen kjrieen!

⁷Wie sent wajch jekomen, soo aus een Voagel ut dän Voagel Schlenja sien Nat; dee Schlenj es tweijeräten, un wie sent wajch jekomen.

⁸Onse Help es en dän HARN sien Nomen, dee Himmel un Ieed jemoakt haft.