Read Plautdietsch (Low German) – De Bibel Psalmen 128 Bible Online

Psalmen 128 - Plautdietsch (Low German) – De Bibel bible

Psalmen 128

¹Een Leet opp de Reis no Jerusalem to sinjen. Jesäajent sent aul dee, dee dän HARN ferchten, dee en siene Wäaj waundlen.

²Du woascht die von dien Hauntwoakj näaren; du woascht jesäajent sennen; du woascht daut goot haben.

³Diene Fru woat en dien Hus soo sennen aus eene fruchtboare Wienrank, un diene Kjinja soo aus junge Oliewenbeem om dienen Desch.

⁴Kjikj emol, soo es dee Maun jesäajent, dee dän HARN ferchten deit.

⁵Mucht de HAR die von Zion säajnen, soo lang aus du läfst, un muchst du seenen, woo jlekjlich Jerusalem es,

⁶un muchst du läwen diene Kjinja äare Kjinja to seenen. Mucht Fräd äwa Israel sennen!