Read Plautdietsch (Low German) – De Bibel Psalmen 129 Bible Online

Psalmen 129 - Plautdietsch (Low German) – De Bibel bible

Psalmen 129

¹Een Leet opp de Reis no Jerusalem to sinjen. Dee haben mie von Jugent aun foaken unjadrekjt. Lot Israel nu sajen:

²Dee haben mie von Jugent aun foaken sea unjadrekjt, oba dee haben mie nich unjajekjräajen.

³Plieeja haben opp mienen Rigjen jeplieecht un lange Foaren jetrocken.

⁴Oba de HAR es jerajcht; dee haft de beese äare Strenj tweijeschnäden, daut ekj looskjeem.

⁵Muchten dee aula, dee jäajen Zion fientlich sent, toschaund woaren un trigjgonen motten.

⁶Muchten see soo sennen aus Graus opp däm Dak, daut doa vedrieecht ea daut waussen kaun.

⁷Met soon Graus kaun de Grausschnieda sikj nich de Haunt voll moaken, un de Goawenbinja nich een Oarmvoll kjrieen.

⁸Muchten dee, dee doa vebiegonen, nich sajen: Däm HARN sien Säajen met die; ooda, wie säajnen die em HARN sien Nomen!