Read Plautdietsch (Low German) – De Bibel Psalmen 13 Bible Online

Psalmen 13 - Plautdietsch (Low German) – De Bibel bible

Psalmen 13

¹Eent von David siene Psalmen, väatosinjen.

²Oo HAR, woo lang woascht du mie soo gaunz vejäten? Woo lang west du die von mie nich seenen loten?

³Woo lang saul ekj en miene Seel sorjen un mie däachlich em Hoaten enjsten? Woo lang sellen miene Fiend äwa mie stonen?

⁴Kjikj emol no mie, un jeff mie eene Auntwuat, oo HAR mien Gott! Jeff mie Uagenlicht, daut ekj nich em Doot enschlop,

⁵un mien Fient dan sajen kaun: Ekj hab de Äwahaunt äwa am jekjräajen. Un miene Jäajna sikj freien wan ekj faul.

⁶Oba ekj velot mie opp diene truhoatje Leew; mien Hoat freit sikj daut du soo jieren halpst. Ekj well fa Gott sinjen, daut Hee soo goot to mie jewast es.