Read Plautdietsch (Low German) – De Bibel Psalmen 136 Bible Online

Psalmen 136 - Plautdietsch (Low German) – De Bibel bible

Psalmen 136

¹Dankt dän HARN, wiels hee es ons toojedonen; siene truhoatje Leew haft kjeen Enj.

²Dankt dän Gott äwa aule Jetta. Siene truhoatje Leew haft kjeen Enj.

³Dankt dän Harn äwa aule Haren. Siene truhoatje Leew haft kjeen Enj.

⁴Däm, dee auleen groote Wunda deit. Siene truhoatje Leew haft kjeen Enj.

⁵Däm, dee en siene Weisheit de Himmels jemoakt haft. Siene truhoatje Leew haft kjeen Enj.

⁶Dee de Ieed äwa de Wota jespreet haft. Siene truhoatje Leew haft kjeen Enj.

⁷Dee de groote Lichta muak. Siene truhoatje Leew haft kjeen Enj.

⁸De Sonn, dän Dach to rejieren. Siene truhoatje Leew haft kjeen Enj.

⁹De Mon un de Stierns, de Nacht to rejieren. Siene truhoatje Leew haft kjeen Enj.

¹⁰Dee Ägipten äare Ieeschtjebuarne schluach. Siene truhoatje Leew haft kjeen Enj.

¹¹Un Israel rut brocht. Siene truhoatje Leew haft kjeen Enj.

¹²Derch eene jewaultje Haunt un een utjestrakjten Oarm. Siene truhoatje Leew haft kjeen Enj.

¹³Dee daut Schelpmäa uteneen deeld. Siene truhoatje Leew haft kjeen Enj.

¹⁴Un Israel leet doa derchgonen. Siene truhoatje Leew haft kjeen Enj.

¹⁵Dee dän ägiptischen Kjennich un siene Armee em Schelpmäa veseept. Siene truhoatje Leew haft kjeen Enj.

¹⁶Dee sien Volkj derch de Wiltnis leid. Siene truhoatje Leew haft kjeen Enj.

¹⁷Dee jewaultje Kjennichs schluach. Siene truhoatje Leew haft kjeen Enj.

¹⁸Däm dee stoakje Kjennichs doot muak. Siene truhoatje Leew haft kjeen Enj.

¹⁹Sihon, de Amorita äa Kjennich. Siene truhoatje Leew haft kjeen Enj.

²⁰Og, dän Kjennich von Baschan. Siene truhoatje Leew haft kjeen Enj.

²¹Un hee jeef an äa Launt aus Oafgoot. Siene truhoatje Leew haft kjeen Enj.

²²Een Oafgoot fa sien Kjnajcht, Israel. Siene truhoatje Leew haft kjeen Enj.

²³Dee aun ons docht, aus wie unjadrekjt worden. Siene truhoatje Leew haft kjeen Enj.

²⁴Hee rad ons von onse Fiend. Siene truhoatje Leew haft kjeen Enj.

²⁵Dee Menschen, Vee un Tieren un aulet jeschaufne foodat. Siene truhoatje Leew haft kjeen Enj.

²⁶Dankt dän Gott em Himmel. Siene truhoatje Leew haft kjeen Enj.