Read Plautdietsch (Low German) – De Bibel Psalmen 137 Bible Online

Psalmen 137 - Plautdietsch (Low German) – De Bibel bible

Psalmen 137

¹Wie sauten en Babel aun Riefasch un hielden, wan wie aun Zion dochten.

²Doa aun de Wieden hong wie onse Hoapen opp.

³Dee ons faustjenomen hauden, velangden, daut wie doa sinjen sullen; dee ons tualeiden deeden, velangden Freidenleeda un säden: Sinjt ons een Leet von Zion!

⁴Woo kjenn wie en een framdet Launt Leeda vom HARN sinjen?

⁵Wan ekj die vejät, oo Jerusalem, dan mucht miene rajchte Haunt nuzloos sennen un vejäten, waut see doonen kaun.

⁶Mucht mie de Tung em Mul aum Bän baken, wan ekj nich aun die denkj; wan ekj Jerusalem nich lot miene hechste Freid sennen.

⁷Denkj doaraun, oo HAR, waut de Edomita dän Dach deeden aus Jerusalem foll; woo dee schrieejen: Riet dee dol! Riet dee dol bat opp däm Grunt!

⁸Du scheene Staut Babel, du woascht en de Grunt jebrocht woaren; goot fa dän dee die trigjtolen, waut du aun ons jedonen hast.

⁹Goot fa dän, dee diene junge Kjinja faustnemt un aum Steen veschmatat.