Read Plautdietsch (Low German) – De Bibel Psalmen 14 Bible Online

Psalmen 14 - Plautdietsch (Low German) – De Bibel bible

Psalmen 14

¹Een Psalm von David, väatosinjen. De Noaren sajen sikj em Hoat: Doa es kjeen Gott. Daut sent vekomne Menschen, dee oppscheiselje Woakjen jedonen haben. Doa es nich eena, dee waut goodet deit.

²De HAR kjikjt vom Himmel rauf no de Menschenkjinja, om to seenen auf doa irjentwäa kluak es un no Gott frajcht.

³Oba dee sent aula wajch jegonen, dee sent aulatoop vekomen. Doa es kjeena dee goodet deit, uk nich eena.

⁴Woaren de schlajchte Menschen niemols to Ensecht komen, dee mien Volkj oppfräten, soo aus Menschen Broot äten, dee oba mie nich aunroopen, frajcht de HAR.

⁵Oba dee woaren en groote Forcht komen, wiels Gott es en de jerajchte äare Jesalschoft.

⁶De onveschämde haben de oame äare Hopninj toschaund jemoakt, oba de HAR es äare Tooflucht.

⁷Oo, daut Israel äare Help ut Zion komen mucht! Wan Gott sien faustjenomnet Volkj wada häastalen woat, dan woat Jakob froo sennen un Israel sikj freien.