Read Plautdietsch (Low German) – De Bibel Psalmen 146 Bible Online

Psalmen 146 - Plautdietsch (Low German) – De Bibel bible

Psalmen 146

¹Low dän HARN, oo miene Seel, low dän HARN!

²Ekj woa dän HARN lowen, soo lang aus ekj läw, un mienen Gott met Leeda lowen, soo lang aus ekj hia sie.

³Velot junt nich opp Aumtslied; daut sent mau Menschen un kjennen nich halpen.

⁴Wan äa Jeist an velat, woaren see wada Ieed, un krakjt dan es daut met aul äa Väanämen jewast.

⁵Jesäajent sent, dee Jakob sienen Gott aus äare Help haben, dee äare Hopninj en Gott dän HARN haben,

⁶dee Himmel un Ieed jemoakt haft, uk daut Mäa un aules waut doabennen es, dän HARN, dee eewich tru blift,

⁷dee no de unjadrekjte äa rajcht sitt, un de oame to äten jeft un de faustjenomne frie lat.

⁸De HAR moakt de blinje seenen, de HAR recht de unjadrekjte opp. De HAR es de jerajchte goot.

⁹De HAR woakt äwa de framde, un sorcht fa de Weisen un Wätfrues, oba vestieet de gottloose äaren Wajch.

¹⁰De HAR woat eewich rejieren. Oo Zion, dien Gott es Kjennich von Jennerazion bat Jennerazion. Loft dän HARN!