Read Plautdietsch (Low German) – De Bibel Psalmen 149 Bible Online

Psalmen 149 - Plautdietsch (Low German) – De Bibel bible

Psalmen 149

¹Haleluja! Sinjt een nieet Leet fa dän HARN, am to lowen en de Vesaumlunk von de heilje.

²Lot Israel sikj to dän freien, dee an jemoakt haft. Lot aulem von Zion sikj to äaren Kjennich freien.

³Lot an sienen Nomen lowen met daunzen, un am to ieren, Hoapen un Trompeeten spälen.

⁴Wiels de HAR freit sikj to sien Volkj; hee veharlicht de deemootje derch siene Help.

⁵Lot de heilje sikj to dise Iea freien, un soogoa em Bad am to ieren sinjen.

⁶See sellen Gott lowen, un see sellen een dobbelt schniedjet Schwieet en de Henj haben,

⁷daut see äwa de Velkja Rach eewen, un de Velkja strofen,

⁸daut see de Velkja äare Kjennichs spaunen un äare Leidasch met iesane Kjäden binjen,

⁹daut Jerecht uttofieren daut jäajen an jeschräwen es. Dise Iea woaren aul siene heilje haben. Haleluja!