Read Plautdietsch (Low German) – De Bibel Psalmen 2 Bible Online

Psalmen 2 - Plautdietsch (Low German) – De Bibel bible

Psalmen 2

¹Wuarom sent de Velkja soo wadaspanstich, un de Menschen plonen Dinja wua nuscht doarhinja es?

²De Kjennichs opp de Ieed saten sikj jäajenaun, un de Leidasch stonen sikj toop jäajen dän HARN un sienen jesaulften Kjennich.

³See sajen: Well wie äare Kjäden tweirieten, un äare Strenj wajchschmieten.

⁴Oba dee waut em Himmel opp däm Troon sett, lacht un moakt an toom Spott.

⁵Hee woat en sienen Oaja to an räden, un an met siene Wutt enjsten.

⁶Hee sajcht: Opp Zion, mienen heiljen Boajch, hab ekj mienen Kjennich aunjestalt.

⁷Ekj woa daut bekaunt moaken waut de HAR beschloten haft: Du best mien Sän. Ekj sie vondoag dien Voda jeworden.

⁸Froag mie doano un ekj woa die de Velkja aus Oafgoot jäwen, un du saust de gaunze Welt ieejnen.

⁹Du saust met eene Iesastang äwa an rejieren. Du saust dee soo aus Leemtap to Grus schlonen.

¹⁰Dan siet nu weis, jie Kjennichs, un lot junt trajchtwiesen, jie Rechta opp de Ieed.

¹¹Deent dän HARN ut Forcht, kust dän Sän met zetren,

¹²daut hee nich doll woat, un jie dan opp däm Wajch omkomen, wiels sien Oaja es leicht aunjestekjt. Oba goot fa dee, dee äa vetruen opp Gott saten!