Read Plautdietsch (Low German) – De Bibel Psalmen 20 Bible Online

Psalmen 20 - Plautdietsch (Low German) – De Bibel bible

Psalmen 20

¹Eent von David siene Psalmen, väatosinjen.

²Mucht de HAR die auntwuaten wan du en Veläajenheit best; mucht Jakob sien Gott sien Nomen die secha hoolen.

³Mucht hee die utem Heilichtum Help schekjen, un die ut Zion biestonen.

⁴Mucht hee aun aul diene Opfa denkjen, un dien Brauntopfa aunnämen.

⁵Mucht hee die schenkjen, waut dien Hoat velangt, un aules jelinjen loten, waut du plonst.

⁶Wie woaren äwa diene Radunk jubelieren, un en onsen Gott sienen Nomen onse Flagen huach trakjen. Mucht de HAR die aules jäwen, om waut du bäden deist!

⁷Nu weet ekj, daut de HAR sienen Jesaulwden halpt. Hee woat am ut sienen heiljen Himmel derch siene radende Krauft un siene rajchte Haunt auntwuaten.

⁸Eenje veloten sikj opp äare Woages, eenje opp äare Pieed, oba wie haben ons vetruen opp Gott, onsen HARN.

⁹Dee musten sikj bekjen un sent jefollen; wie oba sent oppjestonen un stonen steil.

¹⁰HAR, halp du dän Kjennich, un hia ons wan wie roopen!