Read Plautdietsch (Low German) – De Bibel Psalmen 24 Bible Online

Psalmen 24 - Plautdietsch (Low German) – De Bibel bible

Psalmen 24

¹Eent von David siene Psalmen. De Ieed es dän HARN siene, un uk aules waut doabennen es, de Welt un aul dee, waut doabowen wonen,

²wiels hee bud de Welt äwa de Wota un läd dän Grunt unjen em Mäa.

³Wäa doaf opp däm HARN sien Boajch nopp stieen? Un wäa doaf en siene heilje Städ stonen?

⁴Wäa oschuldje Henj un een reinet Hoat haft; wäa met siene Seel nich aun Aufjetta henjt un nich faulsch schwieren deit.

⁵Dee saul vom HARN een Säajen kjrieen; un Gott, sien Heilant, woat am jerajcht spräakjen.

⁶Dit sent soone, dee no am sieekjen, un dee Jakob sienen Gott seenen muchten.

⁷Moakt de Puaten wiet op, un häft de eewje Däaren huach, daut de Ierenkjennich nenkomen kaun!

⁸Wäa es dis Ierenkjennich? Daut es de jewaultich stoakja HAR, een jewaultja Kjrieja.

⁹Moakt de Puaten wiet op, un häft de eewje Däaren huach, daut de Ierenkjennich nenkomen kaun!

¹⁰Wäa es dis Ierenkjennich? Daut es de HAR, dee aules rejieet; hee es de Ierenkjennich.