Read Plautdietsch (Low German) – De Bibel Psalmen 26 Bible Online

Psalmen 26 - Plautdietsch (Low German) – De Bibel bible

Psalmen 26

¹Eent von David siene Psalmen. HAR, schauf rajcht fa mie, wiels ekj sie oschuldich! Ekj hab mie opp däm HARN veloten un nich jetwiewelt.

²Unjasieekj mie, oo HAR, un proow mie ut; unjasieekj mien Hoat un uk miene Jedanken.

³Wiels ekj see emma, woo leeftolich du best, un ekj waundel en diene Woarheit.

⁴Ekj sett nich met daugeniksje Menschen toop un hab uk nich Jemeenschoft met Heichla.

⁵Ekj kaun de beese äare Vesaumlunk nich lieden un sett nich met de gottloose toop.

⁶Ekj wausch miene Henj en Oschult, oo HAR, un woa soo runtom dienen Aultoa gonen,

⁷wua ekj met dankende Stemm sinj, un wua ekj aul diene Wunda prädj.

⁸HAR, ekj räakjen daut Hus väl, wua du wonst, un dän Plauz, wua diene Iea tus es.

⁹Nemm miene Seel nich met de Sinda toop wajch un mien Läwen uk nich met dee, dee jieren Bloot vejeeten,

¹⁰dee met beese Plons omgonen un jieren Jeschenkja nämen.

¹¹Mien Waundel oba es oschuldich. Rad mie un bewies mie Jnod!

¹²Miene Feet stonen opp däm jlikjen. Ekj well dän HARN en de Vesaumlungen lowen.